Lóṣù September, a máa ṣe ìkéde àkànṣe kan láti jẹ́ káwọn èèyàn mọ̀ pé Ìjọba Ọlọ́run nìkan ṣoṣo ló lè yanjú ìṣòro aráyé. (Mt 24:14) Báwo nìwọ náà ṣe lè kópa nínú ẹ̀? O lè ka ẹsẹ Bíbélì tó sọ̀rọ̀ nípa Ìjọba Ọlọ́run fún àwọn èèyàn bó bá ti lè ṣeé ṣe tó. Tẹ́ni náà bá nífẹ̀ẹ́ sí ọ̀rọ̀ rẹ, fún un ní Ilé Ìṣọ́ No. 2 2020. Rí i pé o tètè pa dà sọ́dọ̀ ẹni náà, kó o sì fi ìwé Gbádùn Ayé Rẹ Títí Láé!​—Ìbẹ̀rẹ̀ Ẹ̀kọ́ Bíbélì bẹ̀rẹ̀ ìkẹ́kọ̀ọ́ pẹ̀lú rẹ̀. Gbogbo àwọn tó bá fẹ́ ṣe aṣáájú-ọ̀nà olùrànlọ́wọ́ lóṣù September lè pinnu bóyá wákàtí mẹ́ẹ̀ẹ́dógún (15) tàbí ọgbọ̀n (30) wákàtí làwọn máa ròyìn.

Láìpẹ́, Ìjọba Ọlọ́run máa fòpin sí gbogbo ìjọba tó ń ta kò ó. (Da 2:44; 1Kọ 15:24, 25) Torí náà, ẹ jẹ́ ká ṣe gbogbo ohun tá a lè ṣe lẹ́nu àkànṣe ìwàásù yìí ká lè fi hàn pé ọ̀dọ̀ Jèhófà la wà, Ìjọba rẹ̀ la sì fara mọ́.