• Owe 11:17—Àǹfààní wo la máa rí tá a bá jẹ́ onínúure? (g20.1 11, àpótí)

  Ìdáhùn rẹ

• Àwọn ẹ̀kọ́ iyebíye wo lo rí nínú Bíbélì kíkà ọ̀sẹ̀ yìí tí wàá fẹ́ sọ?

  Ìdáhùn rẹ

A máa ń ṣi ọ̀rọ̀ sọ nígbà míì torí pé aláìpé ni wá. (Jem 3:8) Àmọ́, tá a bá fi sọ́kàn pé ọ̀rọ̀ ẹnu wa lè dá wàhálà sílẹ̀, á jẹ́ ká máa ṣọ́ ohun tá à ń sọ ká má bàa sọ ohun tá a máa kábàámọ̀. Díẹ̀ rèé lára àwọn ọ̀rọ̀ tó lè dá wàhálà sílẹ̀ nínú ìjọ:

• Kéèyàn máa fọ́nnu. Ẹni tó bá ń fọ́nnu lè mú káwọn míì máa jowú tàbí kí wọ́n máa bá ara wọn díje.—Owe 27:2

• Ọ̀rọ̀ tí kì í ṣe òótọ́. Èyí kọjá kéèyàn kàn máa parọ́, ó tún kan kéèyàn mọ̀ọ́mọ̀ sọ ohun tó máa ṣi àwọn míì lọ́nà. Kódà kó jẹ́ ìwà àìṣòótọ́ tó dà bíi pé kò tó nǹkan la hù, ó lè bà wá lórúkọ jẹ́ káwọn èèyàn má sì fọkàn tán wa mọ́.—Onw 10:1

• Òfófó. Ẹni tó bá ń ṣòfófó máa ń tojú bọ ọ̀rọ̀ tí kò kàn án nípa ìgbésí ayé àwọn ẹlòmíì. Ohun tó máa ń sọ nípa àwọn èèyàn lè má jẹ́ òótọ́ délẹ̀délẹ̀ tàbí kó máa sọ ọ̀rọ̀ àṣírí wọn. (1Ti 5:13) Irú nǹkan bẹ́ẹ̀ lè dìjà kó sì da àárín àwọn èèyàn rú

• Ọ̀rọ̀ téèyàn fìbínú sọ. Èyí ni ọ̀rọ̀ tí kò dáa téèyàn sọ láìronú sẹ́ni tó múnú bí i. (Ef 4:26) Irú ọ̀rọ̀ bẹ́ẹ̀ máa ń dunni.—Owe 29:22

Jẹ́ káwọn ará wo FÍDÍÒ Ẹ Yẹra fún Ohun Tó Lè Ba Àlàáfíà Jẹ́—Àyọlò. Lẹ́yìn náà, béèrè pé:

• Kí lo rí kọ́ nípa ìdí tó fi yẹ ká kíyè sí ohun tá à ń sọ?

  Ìdáhùn rẹ

Tó o bá fẹ́ mọ ohun tí wọ́n ṣe tí àlàáfíà fi pa dà wà láàárín wọn, wo fídíò ‘Máa Wá Àlàáfíà, Kó O sì Máa Lépa Rẹ̀.’