Ó máa ń rọrùn fún àwọn ọ̀dọ́ láti ronú pé kokooko lara àwọn le àti pé “àwọn ọjọ́ oníyọnu àjálù” tó máa ń bá ọjọ́ ogbó rìn nínú ayé Sátánì yìí kò lè dé bá àwọn. (Onw 12:1) Tó o bá jẹ́ ọ̀dọ́, ǹjẹ́ o máa ń ronú pé o ṣì ní àkókò tó pọ̀ tó o lè fi lé àwọn àfojúsùn tẹ̀mí bá, irú bíi ṣíṣe iṣẹ́ ìsìn alákòókò kíkún?

Gbogbo wa pátá, àtọmọdé àtàgbà ni “ìṣẹ̀lẹ̀ tí a kò rí tẹ́lẹ̀” máa ń ṣẹlẹ̀ sí. (Onw 9:11) Ìwé Jákọ́bù 4:14 sọ pé: “Ẹ kò mọ ohun tí ìwàláàyè yín yóò jẹ́ lọ́la.” Torí náà, má ṣe sún lílépa àwọn nǹkan tẹ̀mí síwájú láìnídìí. Gba ẹnu “ilẹ̀kùn ńlá tí ń ṣamọ̀nà sí ìgbòkègbodò” wọlé nígbà tó ṣì wà ní ṣíṣí sílẹ̀. (1Kọ 16:9) O kò ní kábàámọ̀ láé pé o ṣe bẹ́ẹ̀.

• Wíwàásù ní èdè míì

• Iṣẹ́ ìsìn aṣáájú-ọ̀nà

• Lílọ sí ilé ẹ̀kọ́ ètò Ọlọ́run

• Iṣẹ́ ìkọ́lé

• Iṣẹ́ ìsìn Bẹ́tẹ́lì

• Iṣẹ́ alábòójútó àyíká