Ohun kan tó fini lọ́kàn balẹ̀ jù lọ ni pé, Bíbélì jẹ́ ká mọ̀ pé ọ̀rọ̀ wa yé Jèhófà Ọlọ́run a Ẹlẹ́dàá wa, ó sì mọ bí nǹkan ṣe ń rí lára wa ju ẹnikẹ́ni míì lọ. Ó máa ń wù ú gan-an láti ràn wá lọ́wọ́ nígbà tá a bá wà nínú ìṣòro. Bí àpẹẹrẹ, wo àwọn ẹsẹ Bíbélì méjì tó ń tuni nínú yìí:

“Jèhófà wà nítòsí àwọn tó ní ọgbẹ́ ọkàn; ó ń gba àwọn tí àárẹ̀ bá ẹ̀mí wọn là.”​—SÁÀMÙ 34:18.

“Èmi Jèhófà Ọlọ́run rẹ ń di ọwọ́ ọ̀tún rẹ mú, Ẹni tó ń sọ fún ọ pé, ‘Má bẹ̀rù. Màá ràn ọ́ lọ́wọ́.’” ​—ÀÌSÁYÀ 41:13.

Báwo ni Jèhófà ṣe ń ràn wá lọ́wọ́ tá a bá ní àárẹ̀ ọpọlọ tó ń fa ìdààmú ọkàn tàbí ìsoríkọ́? Bá a ṣe máa rí i nínú àwọn àpilẹ̀kọ tó wà níwájú, ọ̀pọ̀ ọ̀nà ni Jèhófà ń gbà fi hàn pé òun nífẹ̀ẹ́ wa.