Ṣé Gbogbo Ìsìn Ni Ọlọ́run Tẹ́wọ́ Gbà?
Àkànṣe Àsọyé Fún Gbogbo Ènìyàn
Ṣé Gbogbo Ìsìn Ni Ọlọ́run Tẹ́wọ́ Gbà?
Ọ̀pọ̀ èèyàn ló ń ṣe ẹ̀sìn tí wọ́n bí wọn sí. Àwọn míì sì ń fúnra wọn yan ẹ̀sìn tí wọ́n ń ṣe nígbà tó yá. Kò sí àní-àní pé ẹ̀sìn pọ̀ lọ jàra láyé yìí. Ó ṣeé ṣe kó o ti ronú pé, ‘Ṣé ẹ̀sìn tí mo bá yàn láti ṣe tiẹ̀ ṣe pàtàkì tó bẹ́ẹ̀?’
A máa dáhùn ìbéèrè yìí nínú àsọyé fún gbogbo ènìyàn tá a pe àkọlé ẹ̀ ní, “Ṣé Gbogbo Ìsìn Ni Ọlọ́run Tẹ́wọ́ Gbà?” Àsọyé Bíbélì yìí máa wáyé láwọn ilẹ̀ tó lé ní ọgbọ̀n-lé-rúgba [230] yí ká ayé. Níbi tó pọ̀ jù lọ lágbàáyé, ọjọ́ Sunday April 26, ọdún 2009 la máa sọ àsọyé yìí ní Gbọ̀ngàn Ìjọba àwa Ẹlẹ́rìí Jèhófà. Inú àwọn Ẹlẹ́rìí Jèhófà tó wà ládùúgbò ẹ máa dùn láti sọ àkókò àti ibi tí wọ́n ti máa sọ àsọyé yìí fún ẹ. A fi tọ̀yàyàtọ̀yàyà pè ẹ́ pé kó o wá.