Abala Àwọn Ọ̀dọ́

Wọ́n Fi Ẹ̀sùn Èké Kàn Án!

JÓSẸ́FÙ—APÁ KEJÌ

Ohun tó o máa ṣe: Ibi tí kò sí ariwo ni kó o ti ṣe ìdánrawò yìí. Bó o bá ṣe ń ka àwọn ẹsẹ Ìwé Mímọ́ tó wà nísàlẹ̀ yìí, máa fojú inú wò ó bíi pé o wà níbi tọ́rọ̀ náà ti ń ṣẹlẹ̀, jẹ́ kó dà bíi pé ò ń gbọ́ bí àwọn èèyàn náà ṣe ń sọ̀rọ̀. Ronú nípa bí ohun tó ò ń kà yẹn ṣe máa rí lára àwọn èèyàn wọ̀nyẹn. Kó o sì máa fojú inú wò ó bí ohun tó ń ṣẹlẹ̀ lọ́wọ́lọ́wọ́.

Àwọn tá a sọ̀rọ̀ nípa wọn: Jósẹ́fù, Pọ́tífárì àti ìyàwó rẹ̀

Àkópọ̀: Wọ́n fi Jósẹ́fù sínú ẹ̀wọ̀n láìṣẹ̀ láìrò, àmọ́ Jèhófà wà pẹ̀lú rẹ̀.

1 KA ÌTÀN NÁÀ DÁADÁA.—KA JẸ́NẸ́SÍSÌ 39:7, 10-23.

Kí lo kíyè sí nínú ohùn ìyàwó Pọ́tífárì bó ṣe ń fi ẹ̀sùn èké kan Jósẹ́fù?

․․․․․

Fojú inú wo ọgbà ẹ̀wọ̀n náà kí o sì ṣàlàyé bó ṣe rí.

․․․․․

Àwọn nǹkan wo ni wọ́n ṣe fún Jósẹ́fù nígbà tí ó kọ́kọ́ dé ẹ̀wọ̀n? (Ojútùú: Ka Sáàmù 105:17, 18.)

․․․․․

2 ṢÈWÁDÌÍ KÓ O SÌ RONÚ JINLẸ̀.

Ká ní ìgbàgbọ́ Jósẹ́fù kò lágbára ni, èrò tí kò dára wo ni Jósẹ́fù ì bá ní nígbà tó wà lẹ́wọ̀n? (Ojútùú: Ka Jóòbù 30:20, 21.)

․․․․․

Kí nìdí tá a fi lè sọ pé Jósẹ́fù kò sọ pé Jèhófà ló ń fi ìyà jẹ òun? (Ojútùú: Ka Jẹ́nẹ́sísì 40:8; 41:15, 16.)

․․․․․

Àwọn ohun wo lo rò pé ó ran Jósẹ́fù lọ́wọ́ láti fara dà á nígbà tí wọ́n fi í sẹ́wọ̀n láìṣẹ̀ láìrò? (Ojútùú: Ka Míkà 7:7; Lúùkù 14:11; Jákọ́bù 1:4 kí o sì ronú lé wọn lórí.)

․․․․․

 Kí ni Jósẹ́fù kọ́ nígbà tó wà lẹ́wọ̀n, báwo sì ni ohun tó kọ́ náà ṣe ṣe é láǹfààní nígbà tó yá? (Ojútùú: Ka Jẹ́nẹ́sísì 39:21-23; 41:38-43.)

․․․․․

3 MÁA FOHUN TÓ O KỌ́ ṢÈWÀ HÙ. ṢÀKỌSÍLẸ̀ Ẹ̀KỌ́ TÓ O KỌ́ NÍPA . . . 

Àǹfààní tí àwọn tó ní ìfaradà máa ń jẹ.

․․․․․

Ohun tó o lè rí kọ́ nígbà tó o bá wà nínú ìṣòro.

․․․․․

Ìrànlọ́wọ́ látọ̀dọ̀ Jèhófà nígbà àdánwò.

․․․․․

ÀWỌN OHUN MÍÌ TÓ O LÈ FI ṢÈWÀ HÙ.

Ǹjẹ́ ó ti ṣẹlẹ̀ sí ọ rí pé o wà nínú ìṣòro tí kò sì sí ẹni tó máa ràn ẹ́ lọ́wọ́? Nígbà tó o wà nínú àdánwò náà, báwo ni Jèhófà ṣe ràn ẹ́ lọ́wọ́? (Ojútùú: Ka 1 Kọ́ríńtì 10:13 kí o sì ronú lórí rẹ̀.)

․․․․․

4 KÍ LÓ WÚ Ẹ LÓRÍ JÙ LỌ NÍNÚ ÌTÀN YÌÍ, KÍ SÌ NÌDÍ?

․․․․․

Kẹ́kọ̀ọ́ sí i nípa bíbélì, lórí ìkànnì wa www.watchtower.org àti www.pr418.com