Ohun Tí Bíbélì Sọ
Irú ẹni wo ni Ọlọ́run?
Ẹ̀dá ẹ̀mí tí a kò lè fojú rí ní Ọlọ́run. Òun ló dá ọ̀run, ayé àti gbogbo ohun alààyè. Kò sẹ́ni tó dá Ọlọ́run, torí náà kò ní ìbẹ̀rẹ̀. (Sáàmù 90:2) Ọlọ́run fẹ́ kí àwọn èèyàn wá òun kí wọn sì mọ́ òtítọ́ nípa ẹni tí òun jẹ́.—Ka Ìṣe 17:24-27.
Ọlọ́run ní orúkọ, a sì lè mọ orúkọ yẹn. Yàtọ̀ síyẹn, tí a bá fara balẹ̀ ronú nípa àwọn ìṣẹ̀dá ọwọ́ rẹ̀, ìyẹn lè jẹ́ ká mọ díẹ̀ lára àwọn ìwà rẹ̀. (Róòmù 1:20) Àmọ́, tá a bá fẹ́ mọ Ọlọ́run dáadáa, a ní láti kẹ́kọ̀ọ́ Bíbélì, Ọ̀rọ̀ rẹ̀. Bíbélì ló jẹ́ ká mọ àwọn ìwà onífẹ̀ẹ́ tí Ọlọ́run ní.—Ka Sáàmù 103:7-10.
Ojú wo ni Ọlọ́run fi ń wo ìwà ìrẹ́jẹ
Jèhófà Ẹlẹ́dàá wa kórìíra ìwà ìrẹ́jẹ. Nígbà tó dá àwa èèyàn, àwòrán ara rẹ̀ ló dá wa. (Diutarónómì 25:16) Ìdí nìyẹn tí ọ̀pọ̀ èèyàn fi kórìíra ìwà ìrẹ́jẹ. Ọlọ́run kọ́ ló ń fa ìwà ìrẹ́jẹ tó ń ṣẹlẹ̀ láyé. Ó fún wa ní òmìnira láti yan ohun tó wù wá. Ṣùgbọ́n, ó bani nínú jẹ́ pé ọ̀pọ̀ ló ń ṣi òmìnira yẹn lò, tí wọ́n sì ń hùwà ìrẹ́jẹ. Ohun tí wọ́n ń ṣe yìí máa ń dun Ọlọ́run gan-an.—Ka Jẹ́nẹ́sísì 6:5, 6; Diutarónómì 32:4, 5.
Jèhófà nífẹ̀ẹ́ ìdájọ́ òdodo, kò sì ní jẹ́ kí ìwà ìrẹ́jẹ máa báa lọ títí láé. (Sáàmù 37:28, 29) Bíbélì ṣèlérí pé, láìpẹ́ Ọlọ́run máa fòpin sí gbogbo ìwà ìrẹ́jẹ.—Ka 2 Pétérù 3:7-9, 13.
Bíbélì ṣèlérí pé, láìpẹ́ Ọlọ́run á mú kí ìdájọ́ òdodo wà kárí ayé
O Tún Lè Wo
OHUN TÍ BÍBÉLÌ SỌ
Ǹjẹ́ Ọlọ́run Ní Orúkọ?
Orúkọ Ọlọ́run wà nínú ọ̀pọ̀ ìtumọ̀ Bíbélì. Ṣé o yẹ kí o máa lò ó?
ILÉ ÌṢỌ́
Ǹjẹ́ A Lè Mọ Ọlọ́run?
Àwọn nǹkan tí a kò mọ̀ nípa Ọlọ́run lè mú kó o túbọ̀ sún mọ́ Ọlọ́run sí i.
ÀWỌN Ẹ̀KỌ́ PÀTÀKÌ INÚ BÍBÉLÌ
Kí Nìdí Tí Ọlọ́run Fi Gbà Pé Ká Máa Jìyà?
Ọ̀pọ̀ èèyàn ló máa ń béèrè pé kí ló fà á tí ìkórìíra àti ìyà fi pọ̀ láyé. Bíbélì dáhùn ìbéèrè yìí lọ́nà tó tẹ́ni lọ́rùn tó sì tuni nínú.
