Ohun Tí Bíbélì Sọ
Ṣé Ọlọ́run ló ń fa ìjìyà?
Kí ni ìdáhùn rẹ?
Bẹ́ẹ̀ ni
Bẹ́ẹ̀ kọ́
Kò dá mi lójú
Ohun tí Bíbélì sọ
“Kí a má rí i pé Ọlọ́run tòótọ́ yóò hùwà burúkú, àti pé kí Olódùmarè hùwà lọ́nà tí kò bá ìdájọ́ òdodo mu!” (Jóòbù 34:10) Ọlọ́run kọ́ ló ń fa ìwà ibi àti ìjìyà tó ń ṣẹlẹ̀ láyé.
Kí làwọn nǹkan míì tí Bíbélì sọ?
Sátánì Èṣù tó jẹ́, “olùṣàkóso ayé,” ló ń fa ìyà tó ń jẹ wá.
—Jòhánù 14:30. Táwa èèyàn bá tún ṣe ìpinnu tí kò dáa, ó máa ń yọrí sí nǹkan burúkú àti ìyà.
—Jákọ́bù 1:14, 15.
Ṣé ìyà máa dópin?
Èrò àwọn kan ni pé táwa èèyàn bá ṣera wa lóṣùṣù ọwọ̀, nǹkan á dáa, àwọn míì sì gbà pé kò sí ohun tó lè mú kí ayé yìí dára sí i, kàkà bẹ́ẹ̀ ńṣe ní yóò máa burú sí i. Kí lèrò rẹ?
Ohun tí Bíbélì sọ
Ọlọ́run máa mú ìyà kúrò. “Ikú kì yóò sì sí mọ́, bẹ́ẹ̀ ni kì yóò sí ọ̀fọ̀ tàbí igbe ẹkún tàbí ìrora mọ́.”
Kí làwọn nǹkan míì tí Bíbélì sọ?
Ọlọ́run máa lo Jésù láti fòpin sí ìyà tí Èṣù ti fà.
—1 Jòhánù 3:8. Àwọn èèyàn rere á máa gbé ní àlááfíà lórí ilẹ̀ ayé títí láé.
—Sáàmù 37:9-11, 29.
O Tún Lè Wo
ÀWỌN Ẹ̀KỌ́ PÀTÀKÌ INÚ BÍBÉLÌ
Kí Nìdí Tí Ọlọ́run Fi Gbà Pé Ká Máa Jìyà?
Ọ̀pọ̀ èèyàn ló máa ń béèrè pé kí ló fà á tí ìkórìíra àti ìyà fi pọ̀ láyé. Bíbélì dáhùn ìbéèrè yìí lọ́nà tó tẹ́ni lọ́rùn tó sì tuni nínú.
