Àpẹẹrẹ inú Bíbélì:

• 1Sa 15:17-23—Wòlíì Sámúẹ́lì bá Ọba Sọ́ọ̀lù wí torí pé ó ṣàìgbọràn sí Jèhófà; lẹ́yìn náà, Sámúẹ́lì ṣàlàyé ìdí tó fi yẹ ká máa ṣègbọràn

• Heb 5:7-10—Ẹni pípé ni Jésù, ìgbà gbogbo ló sì máa ń ṣègbọràn sí Bàbá rẹ̀. Àmọ́ nígbà tó wá sáyé, ó kọ́ bó ṣe lè máa ṣègbọràn sí Bàbá rẹ̀ nígbà ìṣòro

Àpẹẹrẹ inú Bíbélì:

• Da 3:13-18 —Àwọn ọ̀dọ́ Hébérù mẹ́ta kan tó jẹ́ olóòótọ́ kọ̀ láti forí balẹ̀ fún ère tí Ọba Nebukadinésárì gbé kalẹ̀, bó tiẹ̀ jẹ́ pé ohun tí wọ́n ṣe yẹn lè mú kí wọ́n pa wọ́n

• Mt 22:15-22—Jésù sọ pé àwọn ọmọ ẹ̀yìn òun máa ń ṣègbọràn sáwọn aláṣẹ àyàfi tí wọ́n bá ní kí wọ́n ṣe ohun tí Ọlọ́run ò fẹ́

• Iṣe 4:18-31—Nígbà táwọn aláṣẹ sọ pé àwọn àpọ́sítélì ò gbọ́dọ̀ wàásù, ńṣe ni wọ́n ń bá a lọ láti máa fìgboyà wàásù

Àpẹẹrẹ inú Bíbélì:

• Ẹsr 7:7-10—Àlùfáà Ẹ́sírà múra ọkàn ẹ̀ sílẹ̀ kó lè múpò iwájú nínú pípa Òfin Jèhófà mọ́, kó sì lè kọ́ àwọn èèyàn lófin náà

• Jo 14:31—Jésù sọ ìdí tó fi jẹ́ pé ohun tí Bàbá ẹ̀ ní kó ṣe gẹ́lẹ́ ló máa ń ṣe

Àpẹẹrẹ inú Bíbélì:

• Jẹ 6:9-22; Heb 11:7—Nóà kan ọkọ̀ áàkì “gẹ́lẹ́” bí Jèhófà ṣe ní kó kàn án, èyí sì fi hàn pé ó nígbàgbọ́

• Heb 11:8, 9, 17—Ábúráhámù fi hàn pé òun nígbàgbọ̀ bó ṣe ṣègbọràn sí ohun tí Jèhófà sọ, ó fi ìlú Úrì sílẹ̀, ó sì tún múra tán láti fi ọmọ rẹ̀ rúbọ

Àpẹẹrẹ inú Bíbélì:

• Le 26:3-6—Jèhófà ṣèlérí pé òun máa bù kún àwọn tó bá jẹ́ onígbọràn, òun sì máa bójú tó wọn

• Nọ 13:30, 31; 14:22-24—Jèhófà bù kún Kélẹ́bù torí pé ó jẹ́ onígbọràn

Àpẹẹrẹ inú Bíbélì:

• Jẹ 2:16, 17; 3:17-19—Torí pé Ádámù àti Éfà ṣàìgbọràn sí Jèhófà, wọ́n pàdánù Párádísè tí Ọlọ́run dá wọn sí, wọn ò láǹfààní láti jẹ́ ẹni pípé mọ́, wọ́n sì tún pàdánù ìyè àìnípẹ̀kun

• Di 18:18, 19; Iṣe 3:12, 18, 22, 23—Jèhófà sọ tẹ́lẹ̀ pé wòlíì kan ń bọ̀ tó máa tóbi ju Mósè, ó sì sọ pé òun máa fìyà jẹ àwọn tó bá ṣàìgbọràn sí i

• Jud 6, 7—Nígbà táwọn áńgẹ́lì ọlọ̀tẹ̀ àtàwọn ará ìlú Sódómù àti Gòmórà ṣàìgbọràn sí Jèhófà, ohun tí wọ́n ṣe yẹn múnú bí Jèhófà gan-an

Àpẹẹrẹ inú Bíbélì:

• Jo 12:46-48; 14:24—Jésù sọ pé ẹnikẹ́ni tí kò bá ṣègbọràn sí àwọn ọ̀rọ̀ òun máa gba ìdájọ́ tó lágbára

 Àpẹẹrẹ inú Bíbélì:

• Jẹ 37:3, 4, 8, 11-13, 18—Nígbà tí Jósẹ́fù wà ní kékeré, ó ń ṣègbọràn sí bàbá ẹ̀, ó rìnrìn àjò lọ wo àwọn ẹ̀gbọ́n ẹ̀, bó tiẹ̀ jẹ́ pé wọ́n kórìíra ẹ̀

• Lk 2:51—Ẹni pípé ni Jésù, àmọ́ aláìpé ni Jósẹ́fù àti Màríà tí wọ́n jẹ́ òbí ẹ̀, síbẹ̀ ó ń gbọ́ràn sí wọn lẹ́nu