Àpẹẹrẹ inú Bíbélì:

• 1Sa 15:3, 9-23—Nígbà tí wòlíì Sámúẹ́lì gba Ọba Sọ́ọ̀lù nímọ̀ràn, ńṣe ló ń ṣàwáwí dípò táá fi gba ìmọ̀ràn, torí náà Jèhófà kọ̀ ọ́ lọ́ba

• 2Kr 25:14-16, 27—Àwọn wòlíì Jèhófà fún Ọba Amasááyà nímọ̀ràn torí ìwà àìdáa tó hù, àmọ́ ọba náà ò gbà, torí náà inú Jèhófà ò dùn sí i mọ́, kò sì dáàbò bò ó

Àpẹẹrẹ inú Bíbélì:

• 3Jo 9, 10—Àpọ́sítélì Jòhánù dá Díótíréfè lẹ́bi torí pé kì í bọ̀wọ̀ fáwọn alábòójútó nínú ìjọ

Àpẹẹrẹ inú Bíbélì:

• 1Sa 23:16-18—Ọgbọ̀n (30) ọdún ni Jónátánì fi ju Ọba Dáfídì lọ. Jónátánì fún Dáfídì nímọ̀ràn, ó fetí sí i, ìmọ̀ràn náà sì fún un lókun

• 1Ọb 12:1-17—Ọba Rèhóbóámù ò fetí sí ìmọ̀ràn ọlọgbọ́n táwọn àgbà ọkùnrin fún un, kàkà bẹ́ẹ̀ ó fetí sí ìmọ̀ràn tó le koko táwọn ọ̀dọ́ bíi tiẹ̀ fún un, èyí sì dá wàhálà sílẹ̀

Àpẹẹrẹ inú Bíbélì:

• 1Sa 25:14-35—Ábígẹ́lì fún Ọba Dáfídì nímọ̀ràn, ìyẹn ò sì jẹ́ kí Dáfídì pa ọ̀pọ̀ èèyàn tó jẹ́ aláìmọwọ́mẹsẹ̀

• 2Sa 20:15-22—Ìmọ̀ràn tí obìnrin ọlọ́gbọ́n kan fún àwọn ará ìlú Ébẹ́lì gba ẹ̀mí wọn là

• 2Ọb 5:1-14—Ọmọbìnrin kékeré kan tó jẹ́ ọmọ Ísírẹ́lì fún ọ̀gágun kan nímọ̀ràn nípa bó ṣe lè rí ìwòsàn kó sì bọ́ lọ́wọ́ àrùn ẹ̀tẹ̀ tó ń ṣe é

 Àpẹẹrẹ inú Bíbélì:

• 1Kr 10:13, 14—Ọba Sọ́ọ̀lù lọ wádìí lọ́dọ̀ abẹ́mìílò dípò kó wádìí lọ́dọ̀ Jèhófà, ó sì kú torí pé ó jẹ́ aláìṣòótọ́

• 2Kr 22:2-5, 9—Ọba Ahasáyà kú torí pé ó tẹ̀ lé ìmọ̀ràn burúkú

• Job 21:7, 14-16—Jóòbù ò fara mọ́ èrò àwọn tí kò bọ̀wọ̀ fún Jèhófà

Àpẹẹrẹ inú Bíbélì:

• 1Sa 1:9-16—Kí Àlùfáà Àgbà Élì tiẹ̀ tó mọ ohun tó ṣẹlẹ̀ ló ti bá Hánà wí lọ́nà tó le koko, ńṣe ló kàn gbà pé obìnrin olóòótọ́ yìí ti mutí yó

• Mt 16:21-23—Àpọ́sítélì Pétérù bá Jésù wí láìronú jinlẹ̀, ó sì fún Jésù nímọ̀ràn tó lè mú kó ṣe ohun tí Sátánì fẹ́ dípò ohun tí Jèhófà fẹ́

Àpẹẹrẹ inú Bíbélì:

• Ẹk 3:13-18—Wòlíì Mósè sọ pé kí Jèhófà sọ bí òun ṣe máa dáhùn àwọn ìbéèrè táwọn ọmọ Ísírẹ́lì bá bi òun

• 1Ọb 3:5-12—Nígbà tí Ọba Sólómọ́nì wà lọ́dọ̀ọ́, dípò kó gbára lé òye ara ẹ̀, ó bẹ Jèhófà pé kó fún òun ní ọgbọ́n, èyí sì mú kí Jèhófà bù kún un

Àpẹẹrẹ inú Bíbélì:

• Mt 4:1-11—Nígbà tí Sátánì dán Jésù wò, Ọ̀rọ̀ Ọlọ́run ló fi dá a lóhùn, kì í ṣe ọgbọ́n ara ẹ̀

• Jo 12:49, 50—Jésù sọ pé àwọn nǹkan tóun gbọ́ látọ̀dọ̀ Bàbá òun lòun ń kọ́ àwọn èèyàn, ohun tó yẹ káwa náà máa ṣe nìyẹn

Àpẹẹrẹ inú Bíbélì:

• 2Kr 19:2, 3—Jèhófà ní kí wòlíì kan lọ bá Ọba Jèhóṣáfátì wí, kó sì tún gbóríyìn fún un torí àwọn nǹkan dáadáa tó ti ṣe

•  Ifi 2:1-4, 8, 9, 12-14, 18-20—Nígbà tí Jésù fẹ́ fún àwọn ìjọ kan nímọ̀ràn, ó kọ́kọ́ gbóríyìn fún wọn

Àpẹẹrẹ inú Bíbélì:

• Mt 18:23-35—Jésù sọ àpèjúwe kan tó wọni lọ́kàn gan-an, ká lè rí i pé ó ṣe pàtàkì kéèyàn máa dárí jini

Àpẹẹrẹ inú Bíbélì:

• 1Sa 15:23-29—Wòlíì Sámúẹ́lì ò bẹ̀rù láti fún Ọba Sọ́ọ̀lù nímọ̀ràn

• 1Ọb 22:19-28—Bó tiẹ̀ jẹ́ pé Ọba Áhábù halẹ̀ mọ́ wòlíì Mikáyà tó sì fìyà jẹ ẹ́, Mikáyà ò yí ọ̀rọ̀ tó sọ fún ọba náà pa dà

Àpẹẹrẹ inú Bíbélì:

• Lk 22:31-34—Bó tiẹ̀ jẹ́ pé àpọ́sítélì Pétérù ṣe àwọn àṣìṣe tó lágbára, Jésù gbà pé kò ní fi Jèhófà sílẹ̀, ó máa ṣàtúnṣe tó yẹ, ó sì máa ran àwọn èèyàn lọ́wọ́

• Flm 21—Àpọ́sítélì Pọ́ọ̀lù fún Fílémónì ní ìmọ̀ràn tó dáa, ó sì dá Pọ́ọ̀lù lójú pé ó máa tẹ̀ lé ìmọ̀ràn náà