Ìsíkíẹ́lì túmọ̀ sí “Ọlọ́run Ló Ń Fúnni Lókun.” Bó tiẹ̀ jẹ́ pé ìkìlọ̀ pọ̀ nínú àwọn àsọtẹ́lẹ̀ Ìsíkíẹ́lì, ohun tí ọ̀rọ̀ rẹ̀ dá lé lápapọ̀ bá ìtumọ̀ orúkọ rẹ̀ mu, ó sì ń mú kí ìgbàgbọ́ àwọn tó fẹ́ ṣe ìjọsìn mímọ́ sí Ọlọ́run túbọ̀ lágbára.

• JEREMÁYÀ,

  ìdílé àlùfáà ló ti wá, Jerúsálẹ́mù ló sì ti ṣe ọ̀pọ̀ iṣẹ́ rẹ̀ (647 sí 580 Ṣ.S.K.)

• HÚLÍDÀ,

  ìgbà tí wọ́n rí ìwé Òfin nínú tẹ́ńpìlì ló ń ṣiṣẹ́ rẹ̀, ìyẹn nǹkan bí ọdún 642 Ṣ.S.K.

• DÁNÍẸ́LÌ,

  ó wá látinú ẹ̀yà Júdà tó ń jọba, wọ́n mú un lọ sí Bábílónì lọ́dún 617 Ṣ.S.K.

• HÁBÁKÚKÙ,

  ó ṣeé ṣe kó jẹ́ Júdà ló ti ṣiṣẹ́ rẹ̀ níbẹ̀rẹ̀ àkóso ọba Jèhóákímù

• ỌBADÁYÀ,

  ó kéde àsọtẹ́lẹ̀ sórí Édómù, ó ṣeé ṣe kó jẹ́ ìgbà tí Jerúsálẹ́mù pa run

1. n.643: Wọ́n bí Ìsíkíẹ́lì

2. 617: Wọ́n mú un lọ sí ìgbèkùn ní Bábílónì

3. 613: Ó bẹ̀rẹ̀ sí í sọ tẹ́lẹ̀; ó rí ìran látọ̀dọ̀ Jèhófà

4. 612: Ó rí ìran àwọn apẹ̀yìndà nínú tẹ́ńpìlì

5. 611: Ó bẹ̀rẹ̀ sí í kéde ìdájọ́ sórí Jerúsálẹ́mù

6. 609: Ìyàwó rẹ̀ kú, wọ́n gbógun ìkẹyìn ti Jerúsálẹ́mù

7. 607: Wọ́n sọ fún un pé Jerúsálẹ́mù ti pa run

8. 593: Ó rí ìran nípa tẹ́ńpìlì

9. 591: Ó sọ tẹ́lẹ̀ pé Nebukadinésárì máa gbógun ja Íjíbítì; ó kọ̀wé rẹ̀ tán

1. 659 sí 629: Jòsáyà gbé ìjọsìn mímọ́ lárugẹ àmọ́ ó kú sójú ogun nígbà tó lọ bá Fáráò Nékò jà

2. 628: Jèhóáhásì ṣàkóso fún oṣù mẹ́ta, ìjọba rẹ̀ ò sì dáa rárá, Fáráò Nékò mú un nígbà tó yá

3. 628 sí 618: Jèhóákímù kì í ṣe ọba rere, Fáráò Nékò mú un sábẹ́ àkóso rẹ̀

4. 625: Nebukadinésárì ṣẹ́gun àwọn ọmọ ogun Íjíbítì

5. 620: Nebukadinésárì gbógun ja Júdà fún ìgbà àkọ́kọ́, ó sì fi Jèhóákímù sábẹ́ àkóso rẹ̀ ní Jerúsálẹ́mù

6. 618: Jèhóákímù ṣọ̀tẹ̀ sí Nebukadinésárì, àmọ́ ó ṣeé ṣe kó jẹ́ ìgbà tí àwọn ará Bábílónì gbógun ja Ilẹ̀ Ìlérí nígbà kejì ló kú

7. 617: Jèhóákínì, tí wọ́n tún ń pè ní Jekonáyà, kì í ṣe ọba rere, oṣù mẹ́ta ló fi ṣàkóso, ó fi ara rẹ̀ sábẹ́ Nebukadinésárì nígbà tó yá

8. 617 sí 607: Sedekáyà jẹ́ ọba tó burú, kò sì lè dá ìpinnu ṣe, Nebukadinésárì fi sábẹ́ àkóso rẹ̀ nígbà tó yá

9. 609: Sedekáyà ṣọ̀tẹ̀ sí Nebukadinésárì, torí náà Nebukadinésárì tún gbógun ja Júdà nígbà kẹta

10. 607: Nebukadinésárì pa Jerúsálẹ́mù run, ó mú Sedekáyà, ó fọ́ ọ lójú, ó sì mú un lọ sí Bábílónì