Ọ̀rọ̀ Ìṣáájú
Ọlọ́run jẹ́ bàbá tó nífẹ̀ẹ́ wa. 1 Pétérù 5:6, 7
Ọlọ́run ni Ẹlẹ́dàá wa, ọ̀rọ̀ wa sì jẹ ẹ́ lógún. Bí bàbá tó jẹ́ ọlọ́gbọ́n tó sì nífẹ̀ẹ́ àwọn ọmọ rẹ̀ ṣe máa ń kọ́ wọn ni Ọlọ́run ń kọ́ àwa èèyàn níbi gbogbo nípa bí a ṣe lè gbé ìgbé ayé tó dára jù lọ.
Ọlọ́run ń jẹ́ ká mọ òtítọ́ tó ṣeyebíye tó ń fún wa láyọ̀ tó sì ń jẹ́ ká nírètí.
Tí o bá tẹ́tí sí Ọlọ́run, á tọ́ ẹ sọ́nà, á dáàbò bò ẹ́, á sì jẹ́ kó o lè borí àwọn ìṣòro.
Kò tán síbẹ̀ o, wàá tún wà láàyè títí láé!
Ọlọ́run sọ fún wa pé: “Ẹ . . . wá sọ́dọ̀ mi. Ẹ fetí sílẹ̀, ẹ ó sì máa wà láàyè nìṣó.” Àìsáyà 55:3
O Tún Lè Wo
ÀWỌN Ẹ̀KỌ́ PÀTÀKÌ INÚ BÍBÉLÌ
Ṣé Ọlọ́run ní Orúkọ?
Ọlọ́run ní ọ̀pọ̀ orúkọ oyè, lára rẹ̀ ni Olódùmarè, Ẹlẹ́dàá, àti Olúwa. Fídíò yìí sọ orúkọ Ọlọ́run gangan èyí tó fara hàn ní ibi tó lé ni ẹgbẹ̀rún méje [7,000] nínú Bíbélì.
