Kí Lo Lè Ṣe Tó Bá Ń Ṣe Ẹ́ Bíi Pé Kò Sẹ́ni Tó Rí Tiẹ̀ Rò?
“Nǹkan bí ìdajì àwọn ọ̀dọ́ tó wà lórílẹ̀-èdè Amẹ́ríkà ló sọ pé ó ń ṣe wọ́n bíi pé kò sẹ́ni tó rí tàwọn rò, àwọn ọ̀dọ́ tó jẹ́ ọmọ ọdún méjìdínlógún (18) sí mẹ́ẹ̀ẹ́dọ́gbọ̀n (25) ló sì pọ̀ jù nínú wọn.”—Ìṣòro Ìdánìkanwà Tó Gbòde Kan: The U.S. Surgeon General’s Advisory on the Healing Effects of Social Connection and Community, 2023.
“[Àjọ Ìlera Àgbáyé] kéde pé wọ́n ti gbé àjọ kan kalẹ̀ táá máa rí sí ìṣòro ìdánìkanwà, torí pé ìṣòro yìí lè yọrí sí àìsàn. Bákan náà, àjọ yìí á máa gba àwọn èèyàn níyànjù láti ní àjọṣe tó dáa láàárín ara wọn ní gbogbo orílẹ̀-èdè láìka bí ipò ọrọ̀ ajé orílẹ̀-èdè naa ṣe rí.”—Àjọ Ìlera Àgbáyé, November 15, 2023.
Bíbélì fún wa láwọn ìmọ̀ràn tó máa jẹ́ ká ní àjọṣe tó dáa pẹ̀lú àwọn míì, ìyẹn ò sì ní jẹ́ ká máa ronú pé a dá wà.
Àwọn ìlànà Bíbélì tó lè ràn wá lọ́wọ́
Dín àwọn nǹkan táá jẹ́ kó o máa dá wà kù. Bí àpẹẹrẹ, tó o bá ń lo ìkànnì àjọlò ṣáá ní gbogbo ìgbà, ó lè máa ṣe ẹ́ bíi pé o dá wà. Dípò bẹ́ẹ̀, máa báwọn èèyàn sọ̀rọ̀ lójúkojú kó o lè ní àwọn ọ̀rẹ́ tòótọ́.
Ìlànà Bíbélì: “Ọ̀rẹ́ tòótọ́ máa ń nífẹ̀ẹ́ ẹni nígbà gbogbo, ó sì jẹ́ ọmọ ìyá tí a bí fún ìgbà wàhálà.”—Òwe 17:17.
Máa wá bó o ṣe lè ran àwọn èèyàn lọ́wọ́. Tá a bá ń ṣe ohun rere fáwọn èèyàn, inú wọ́n máa dùn, àwa náà á sì láyọ̀.
Ìlànà Bíbélì: “Ayọ̀ púpọ̀ wà nínú fífúnni ju èyí tó wà nínú rírígbà lọ.”—Ìṣe 20:35.
Lọ sórí ìkànnì wa kó o lè rí àwọn ìsọfúnni tó dá lórí Bíbélì tó máa ràn ẹ́ lọ́wọ́ láti ní àwọn ọ̀rẹ́ gidi.
O Tún Lè Wo
ÀWỌN Ọ̀DỌ́ BÉÈRÈ PÉ
Kí Nìdí Tí Mi Ò Fi Ní Ọ̀rẹ́ Kankan?
Kì í ṣe ìwọ nìkan ló máa ń ṣe bíi pé ó dá wà tàbí pé kò ní ọ̀rẹ́. Kà nípa bí àwọn ẹgbẹ́ rẹ ṣe borí èrò yìí.
ÀKÓJỌ ÀPILẸ̀KỌ ÀTI FÍDÍÒ
Ohun Tó O Lè Ṣe Tó Ò Bá Lómìnira Àtijáde Bíi Ti Tẹ́lẹ̀
Tí ohùn kan bá ṣẹlẹ̀ tó ò sì lè kúrò nílé, má ṣe rò pé gbogbo nǹkan máa dàrú, pé o ò lè láyọ̀ àti pé ó lè má sí ọ̀nà àbáyọ.
ÀWỌN Ọ̀DỌ́ BÉÈRÈ PÉ
Àkóbá Wo Ni Ìkànnì Àjọlò Lè Ṣe fún Mi?
Lílo ìkànnì àjọlò lè di bárakú. Àwọn àbá yìí lè ràn ẹ́ lọ́wọ́ kó má bàa kó bá ẹ.
ÀWỌN ERÉ OJÚ PÁTÁKÓ
Ta Ni Ọ̀rẹ́ Tòótọ́?
Kò ṣòro rárá láti ní ọ̀rẹ́ burúkú, àmọ́ báwo ni o ṣe lè rí ọ̀rẹ́ tòótọ́
