Ẹ MÁA ṢỌ́NÀ!
Ogun àti Ojú Ọjọ́ Tó Ń Burú Sí I Túbọ̀ Ń Fa Ọ̀wọ́n Gógó Oúnjẹ Kárí Ayé—Kí Ni Bíbélì Sọ?
Ogun tó ń jà ní orílẹ̀-èdè Ukraine, àti ojú ọjọ́ tó ń burú sí i ti mú kí oúnjẹ túbọ̀ wọ́n kárí ayé. Ìṣòro yìí tún wá légbá kan láwọn orílẹ̀-èdè tó ṣẹ̀ṣẹ̀ ń gòkè àgbà.
“Rògbòdìyàn, ojú ọjọ́ tó ń burú sí i, ọ̀wọ́n gógó epo àtàwọn ìṣòro míì ló ń jẹ́ kí àìtó oúnjẹ wà.”—António Guterres tó jẹ́ akọ̀wé àgbà fún Àjọ Ìṣọ̀kan Àgbáyé, July 17, 2023.
“Àwọn ọ̀jọ̀gbọ́n gbà pé bí orílẹ̀-èdè Rọ́ṣíà ṣe yọwọ́ nínú àdéhùn tí wọ́n ṣe láti máa ta ọkà fáwọn orílẹ̀-èdè míì máa mú kí oúnjẹ túbọ̀ wọ́n, pàápàá láwọn orílẹ̀-èdè tí nǹkan ò ti rọ̀ṣọ̀mù bí àríwá ilẹ̀ Áfíríkà àti Middle East.”—Atalayar.com, July 23, 2023.
Ẹ jẹ́ ká wo ohun tí Bíbélì sọ nípa ọ̀wọ́n gógó oúnjẹ àti ohun tó máa ṣẹlẹ̀ lọ́jọ́ iwájú.
Bíbélì sọ tẹ́lẹ̀ pé àìtó oúnjẹ máa wà
Jésù sọ tẹ́lẹ̀ pé: “Orílẹ̀-èdè máa dìde sí orílẹ̀-èdè àti ìjọba sí ìjọba, àìtó oúnjẹ . . . sì máa wà.”—Mátíù 24:7.
Ìwé Ìfihàn sọ nípa àwọn ẹlẹ́ṣin mẹ́rin kan. Ọ̀kan nínú wọn dúró fún ogun, èyí tó sì tẹ̀ lé e dúró fún àìtó oúnjẹ, ìyẹn ìgbà tí oúnjẹ ò ní tó, tí èyí tó wà sì máa wọ́n gan-an. Bíbélì sọ pé: “Mo rí ẹṣin dúdú kan. Ẹni tí ó gùn ún mú ìwọ̀n kan lọ́wọ́. Mo wá gbọ́ nǹkankan tí ó dàbí ohùn . . . ó ní, ‘Páànù ọkà bàbà kan fún owó fadaka kan. Páànù ọkà baali mẹta fún owó fadaka kan.’”—Ìfihàn 6:5, 6, Yoruba Bible.
Àwọn àsọtẹ́lẹ̀ Bíbélì yìí nípa àìtó oúnjẹ ti ń ṣẹ lónìí lákòókò tí Bíbélì pè ní “àwọn ọjọ́ ìkẹyìn.” (2 Tímótì 3:1) Tó o bá fẹ́ mọ̀ sí i nípa “àwọn ọjọ́ ìkẹyìn” àtàwọn ẹlẹ́ṣin mẹ́rin tó wà nínú Ìfihàn, wo fídíò náà Ọdún 1914 Ni Ayé Yí Pa Dà Bìrí kó o sì ka àpilẹ̀kọ “Ta Ni Àwọn Ẹlẹ́ṣin Mẹ́rin Náà?”
Bíbélì lè ràn wá lọ́wọ́
Ọ̀pọ̀ ìmọ̀ràn tó wúlò tó lè ràn wá lọ́wọ́ tí nǹkan ò bá rọrùn ló wà nínú Bíbélì. Bí àpẹẹrẹ, ó sọ ohun tá a lè ṣe bí oúnjẹ ṣe ń wọ́n sí i. Wàá rí àwọn àpẹẹrẹ míì nínú àpilẹ̀kọ náà “Bó O Ṣe Lè Máa Ṣọ́wó Ná.”
Bíbélì tún fi wá lọ́kàn balẹ̀ pé nǹkan ṣì máa dáa. Ó sọ pé ìgbà kan ń bọ̀ tí “ọ̀pọ̀ rẹpẹtẹ oúnjẹ máa wà lórí ilẹ̀,” gbogbo èèyàn sì máa jẹ àjẹyó àti àjẹṣẹ́kù. (Sáàmù 72:16) Tó o bá fẹ́ mọ̀ sí i nípa ìrètí tá a ní yìí àti ohun tó mú kó dá wa lójú, ka àpilẹ̀kọ náà “Ìdí Tó Fi Dá Wa Lójú Pé Ọ̀la Máa Dáa.”
O Tún Lè Wo
Ẹ MÁA ṢỌ́NÀ!
Ogun Tó Ń Jà Ní Ukraine Ti Dá Kún Ìṣòro Àìtó Oúnjẹ—Kí Ni Bíbélì Sọ?
Bíbélì sọ tẹ́lẹ̀ pé àìtó oúnjẹ máa wà, ó sì fún wa láwọn ìmọ̀ràn tó lè ràn wá lọ́wọ́ tá a bá bá ara wa nírú ipò yẹn. Ó tún fi wá lọ́kàn balẹ̀ pé ọ̀la máa dáa.
Ẹ MÁA ṢỌ́NÀ!
Kí Ni Bíbélì Sọ Nípa Bí Ọ̀gbẹlẹ̀ Ṣe Túbọ̀ Ń Ṣẹlẹ̀ Kárí Ayé?
Ṣé a lè rí ojútùú ìṣòro yìí? Ṣé ìrètí wà pé nǹkan ṣì máa dáa?
OHUN TÍ BÍBÉLÌ SỌ
Àwọn Àmì Wo Ló Fi Hàn Pé A Ti Wà Ní “Àwọn Ọjọ́ Ìkẹyìn,” Tàbí “Òpin Ayé”?
Ọ̀pọ̀ àsọtẹ́lẹ̀ ni Bíbélì sọ tó jẹ́ ká mọ̀ pé a ti wà láwọn ọjọ́ ìkẹyìn.
ÀWỌN Ẹ̀KỌ́ PÀTÀKÌ INÚ BÍBÉLÌ
Kí Nìdí Tí Ọlọ́run Fi Gbà Pé Ká Máa Jìyà?
Ọ̀pọ̀ èèyàn ló máa ń béèrè pé kí ló fà á tí ìkórìíra àti ìyà fi pọ̀ láyé. Bíbélì dáhùn ìbéèrè yìí lọ́nà tó tẹ́ni lọ́rùn tó sì tuni nínú.
OHUN TÍ BÍBÉLÌ SỌ
Kí Ló Lè Fún Mi Ní Ìrètí?
Orísun ìrètí tó ṣeé gbára lé máa jẹ́ kí ayé rẹ dára sí i nísinsìnyìí, ó sì máa jẹ́ kí ọjọ́ ọ̀la rẹ dájú.
