Ohun Méjì Wo Ni Kì Í Jẹ́ Kí Ọlọ́run Dáhùn Àwọn Àdúrà Kàn?
Ohun tí Bíbélì sọ
Àwọn àdúrà kan wà tí Ọlọ́run kì í dáhùn. Wo ohun méjì tó lè mú kí ẹnì kan gbàdúrà kí Ọlọ́run má sì gbọ́.
1. Tí àdúrà yẹn bá ta ko ìfẹ́ Ọlọ́run
Ọlọ́run kì í gbọ́ àwọn àdúrà tó bá ta ko ìfẹ́ rẹ̀ tàbí àwọn ohun tí Bíbélì sọ pé Ọlọ́run fẹ́ ká máa ṣe. (1 Jòhánù 5:14) Bí àpẹẹrẹ, Bíbélì sọ pé ká má ṣe jẹ́ oníwọra. Ńṣe ni tẹ́tẹ́ títa máa ń sọni di oníwọra. (1 Kọ́ríńtì 6:9, 10) Torí náà, Ọlọ́run kò ní dá ọ lóhùn tó o bá ń gbàdúrà pé kó jẹ́ kó o jẹ tẹ́tẹ́. Ọlọ́run kì í ṣe àǹjọ̀nnú téèyàn kàn lè máa pè láti máa ṣe gbogbo ohun tó bá ṣáà ti wù ú. Ó sì yẹ kéyìí máa dùn mọ́ ẹ nínú. Àìjẹ́ bẹ́ẹ̀ ńṣe lò bá máa bẹ̀rù pé bóyá ẹnì kan máa rán Ọlọ́run kó wá bá ọ jà.—Jákọ́bù 4:3.
2. Tẹ́ni tó ń gbàdúrà bá jẹ́ aṣetinú-ẹni
Ọlọ́run kì í gbọ́ àdúrà àwọn tó bá ti pinnu láti máa ṣe ohun tó ń dun Ọlọ́run. Bí àpẹẹrẹ, Ọlọ́run sọ fún àwọn kan tó sọ pé àwọn ń sin Ọlọ́rùn àmọ́ tó jẹ́ pé ìfẹ́ inú ara wọn ni wọ́n ń ṣe pé: “Bí ẹ tilẹ̀ gba àdúrà púpọ̀, èmi kò ní fetí sílẹ̀; àní ọwọ́ yín kún fún ìtàjẹ̀sílẹ̀.” (Aísáyà 1:15) Àmọ́ ká ní wọ́n ti yí pa dà ni tí wọ́n sì “mú àwọn ọ̀ràn [wọn] tọ́” lọ́dọ̀ Ọlọ́run, ì bá gbọ́ wọn nígbà tí wọ́n gbàdúrà sí i.—Aísáyà 1:18.
O Tún Lè Wo
ILÉ ÌṢỌ́
Kí Nìdí Tí Ọlọ́run Kì Í Dáhùn Àwọn Àdúrà Kan?
Bíbélì jẹ́ ká mọ irú àwọn àdúrà tí Ọlọ́run máa ń dáhùn àtàwọn tí kì í dáhùn.
OHUN TÍ BÍBÉLÌ SỌ
Kí Ni Mo Lè Gbàdúrà Fún?
Mọ bí dídáhùn àdúrà nípa ọ̀rọ̀ ara ẹni ò ṣe lè ṣòro fún Ọlọ́run.
ILÉ ÌṢỌ́
Ṣé Gbogbo Àdúrà Ni Ọlọ́run Máa Ń Dáhùn? Ṣé Ó Nípò Kan Téèyàn Gbọ́dọ̀ Wà Kó Tó Lè Gbàdúrà?
Ṣé Ọlọ́run máa gbọ́ kó sì dáhùn àdúrà rẹ?
ILÉ ÌṢỌ́
Bó O Ṣe Lè Gbàdúrà Kí Ọlọ́run Sì Gbọ́
O lè gbàdúrà sí Ọlọ́run níbikíbi àti nígbàkigbà. Ó lè gbàdúrà sókè tàbí kó o gbà á sínú. Kódà, Jésù kọ́ wa ní ohun tá a lè sọ nínú àdúrà wa.
ÀWỌN Ẹ̀KỌ́ PÀTÀKÌ INÚ BÍBÉLÌ
Ṣé Gbogbo Àdúrà Ni Ọlọ́run Máa Ń Gbọ́?
Tó bá jẹ́ pé tara ẹ nìkan lò ń gbà ládùúrà ńkọ́? Tí ọkọ kan bá ń fìyà jẹ ìyàwó ẹ̀, tó sì wá ń gbàdúrà fún ìbùkún Ọlọ́run ńkọ́?
