Ṣé Kristẹni Ni Yín?
Bẹ́ẹ̀ ni. Kristẹni ni wá, àwọn ohun tá a fẹ́ sọ yìí ló fi hàn bẹ́ẹ̀:
A ń sapá láti tẹ̀ lé àwọn ẹ̀kọ́ Jésù Kristi àti ìwà rẹ̀.—1 Pétérù 2:21.
A gbà gbọ́ pé ipasẹ̀ Jésù lèèyàn fi lè rí ìgbàlà, pé “kò sí orúkọ mìíràn lábẹ́ ọ̀run tí a ti fi fúnni láàárín àwọn ènìyàn nípasẹ̀ èyí tí a ó fi gbà wá là.”—Ìṣe 4:12.
Bí àwọn èèyàn bá di Ẹlẹ́rìí Jèhófà, a máa ń ṣèrìbọmi fún wọn lórúkọ Jésù.—Mátíù 28:18, 19.
A máa ń gbàdúrà lórúkọ Jésù.—Jòhánù 15:16.
A gbà gbọ́ pé Jésù ni Orí, tàbí ẹni tí Ọlọ́run yàn láti jẹ́ aláṣẹ lórí gbogbo ọkùnrin.—1 Kọ́ríńtì 11:3.
Àmọ́ ṣá o, ní ọ̀pọ̀ ọ̀nà, a yàtọ̀ sí àwọn ẹlẹ́sìn míì tí wọ́n ń pè ní Kristẹni. Bí àpẹẹrẹ, a gbà gbọ́ pé Bíbélì kọ́ni pé Ọmọ Ọlọ́run ni Jésù, kì í ṣe ara Mẹ́talọ́kan. (Máàkù 12:29) A ò gbà pé ẹ̀mí èèyàn kì í kú, a ò gbà pé ibì kankan wà nínú Ìwé Mímọ́ tó fi hàn pé Ọlọ́run máa ń dá àwọn èèyàn lóró títí láé nínú ọ̀run àpáàdì, tàbí pé àwọn tó ń mú ipò iwájú nínú ìjọsìn gbọ́dọ̀ máa ní orúkọ òye tó gbé wọn ga ju àwọn yòókù lọ.—Oníwàásù 9:5; Ìsíkíẹ́lì 18:4; Mátíù 23:8-10.
O Tún Lè Wo
ÌBÉÈRÈ TÁWỌN ÈÈYÀN MÁA Ń BÉÈRÈ
Ǹjẹ́ Àwọn Ẹlẹ́rìí Jèhófà Ní Ìgbàgbọ́ Nínú Jésù?
Ẹ ṣàgbéyẹ̀wò ìdí tó fi ṣe pàtàkì káwọn Kristẹni tòótọ́ nígbàgbọ́ nínú Jésù.
ÌBÉÈRÈ TÁWỌN ÈÈYÀN MÁA Ń BÉÈRÈ
Kí Nìdí Tí Àwọn Ẹlẹ́rìí Jèhófà Kì í Fi Lo Àgbélébùú Nínú Ìjọsìn?
Bó tiẹ̀ jẹ́ pé Kristẹni ni wá, a kì í lo àgbélébùú nínú ìjọsìn wa. Kí nìdí?
OHUN TÍ BÍBÉLÌ SỌ
Ṣé Jésù Ni Ọlọ́run Olódùmarè?
Kí ni Jésù sọ nípa ipò tí òun wà àti ipò tí Ọlọ́run wà?
NÍPA WA
Kí Nìdí Tó Fi Yẹ Kó O Kẹ́kọ̀ọ́ Bíbélì?—Èyí Tó Gùn
Bíbélì ń ran ọ̀pọ̀ mílíọ̀nù èèyàn kárí ayé lọ́wọ́ láti rí ìdáhùn sí àwọn ìbéèrè pàtàkì nípa ìgbésí ayé. Ṣé ìwọ náà á fẹ́ jẹ́ ọ̀kan lára wọn?
