Ṣó yẹ kéèyàn sọ ṣáájú kó tó ṣebẹ̀wò sí ẹ̀ka ọ́fíìsì? Bẹ́ẹ̀ ni, ó yẹ. A fẹ́ kí gbogbo ẹni tó fẹ́ ṣebẹ̀wò sí bẹ́tẹ́lì kọ́kọ́ sọ fún wa ṣáájú kí wọ́n tó máa bọ̀, yálà àwọn tó ń bọ̀ pọ̀ tàbí wọn ò tó nǹkan ìdí sì ni pé a ò fẹ́ kí èrò pọ̀ jù, a si fẹ́ kí gbogbo ẹni tó wá gbádùn ìbẹ̀wò wọn. A fẹ́ kẹ́ ẹ ti sọ fún wa ní ó kéré tán ọ̀sẹ̀ kan ṣáájú. Àmọ́, ẹ jẹ́ kó ju ọ̀sẹ̀ kan lọ dáadáa tó bá jẹ́ ọjọ́ ọlidé lẹ fẹ́ wá.

Tẹ́ ò bá sọ fún wa ṣáájú, ṣé ẹ ṣì lè ṣebẹ̀wò sí ẹ̀ka ọ́fíìsì? Tẹ́ ò bá sọ fún wa ṣáájú, ó ṣeé ṣe ká má gbà yín láàyè láti rìn yíká ọgbà wa. Ìdí sì ni pé ó níye èèyàn tá a lè mù rìn yíká ọgbà wa lójúmọ́.

Ìgbà wo ló yẹ kẹ́ ẹ dé? Kérò má bàa pọ̀ jù, ẹ jọ̀wọ́, ẹ dé ní ó kéré tán, wákàtí kan kó tó di pé wọ́n máa mú yín rìn yíká.

Báwo lẹ ṣe máa sọ fún wa ṣáájú? Tí iye àwọn tó ń bọ̀ kò bá ju mẹ́wàá lọ, tẹ bọ́tíìnì tá a pè ní “Ṣàdéhùn Ọjọ́ Ìbẹ̀wò​—A Ò Ju Mẹ́wàá Lọ.” Tó bá jù mẹ́wàá lọ, kọ̀wé sí àdírẹ́sì yìí InboxBTHLTourDesk.AO@jw.org

Ṣé ẹ lè yí ọjọ́ tẹ́ ẹ fẹ́ wá pa dà tàbí kẹ́ ẹ sọ pé ẹ ò ní lè wá mọ́? Bẹ́ẹ̀ ni. Tẹ bọ́tíìnì tá a pè ní “Wo Ọjọ́ Àdéhùn Tàbí Kó O Yí I Pa Dà.”

Tó bá ṣẹlẹ̀ pé kò sí àyè mọ́ lọ́jọ́ tẹ́ ẹ fẹ́ wá ńkọ́? Ẹ máa wo ìkànnì wa látìgbàdégbà. Àyè máa yọ táwọn kan bá yí ọjọ́ tí wọ́n fẹ́ wá pa dà tàbí tí wọn ò fẹ́ wá mọ́.

Avenida Talatona No. 1

LUANDA

ANGOLA

+244 923 166 760

InboxBTHLTourDesk.AO@jw.org

À ń bójú tó bí wọ́n ṣe ń tú àwọn ìwé tó dá lórí Bíbélì sí èdè mẹ́wàá, títí kan Èdè Adití ti Angola. À ń bójú tó bí wọ́n ṣe ń kọ́ Gbọ̀ngàn Ìjọba, a sì ń kó àwọn ìtẹ̀jáde lọ sí ìjọ 2,567 àwọn Ẹlẹ́rìí Jèhófà tó wà ní Àǹgólà.

Wa Ìwé Pẹlẹbẹ Tó Ń Ṣàlàyé Ẹ̀ka Ọ́fíìsì Wa jáde