Àwọn ohun mélòó kàn wà nínú JW Library tó máa jẹ́ kó o lè pinnu bó o ṣe fẹ́ kí ìwé tó ò ń kà rí. Wàá rí wọn lápá òkè lójú fóònù ẹ tó o bá ń ka orí ìwé kan tàbí àpilẹ̀kọ kan.

Tẹ̀ lé àwọn ìtọ́ni yìí kó o lè pinnu bó o ṣe fẹ́ kí ìwé tó ò ń kà rí:

•  Yí Èdè Pa Dà

•  Mú Kí Ọ̀rọ̀ Tóbi Tàbí Kó Kéré

•  Ṣe É ní Àwòrán Tàbí Ọ̀rọ̀

•  Ṣí I ní . . .

•  To Bíbélì Lọ́nà Tó O Fẹ́

O lè yí èdè orí ìwé tàbí àpilẹ̀kọ tó ò ń kà lọ́wọ́ pa dà.

• Tẹ àmì Èdè kó o lè rí gbogbo èdè tí ojú ìwé tó ò ń kà wà. Àwọn èdè tó ò ń lò jù ló máa wà lókè pátápátá. Àwọn ẹ̀dà Ilé Ìṣọ́ tó rọrùn náà máa hàn níbí. O tún lè wá èdè kan tó o bá fi orúkọ èdè náà wá a.

• Wàá rí àmì òfúrufú lẹ́gbẹ̀ẹ́ àwọn ìwé èdè kan tó ò tíì wà jáde. Tẹ ìwé kan kó o lè wà á jáde. Tí ìwé náà bá ti dórí fóònù ẹ, o ò ní rí àmì òfúrufú yẹn níbẹ̀ mọ́. Tún tẹ ìwé náà kó o lè kà á.

O lè mú kí ọ̀rọ̀ tóbi tàbí kó kéré bó bá ṣe rò ẹ́ lọ́rùn kó o lè rí i kà.

Àwọn àpilẹ̀kọ kan wà tó o lè ṣe kó rí bí àwòrán tàbí ọ̀rọ̀. Tẹ èyí tó o bá fẹ́, kó o sì yí i pa dà nígbàkigbà tó o bá fẹ́.

• View Image: Èyí máa jẹ́ kí àpilẹ̀kọ náà rí bó ṣe máa rí lọ́rí ìwé gangan. Bí àwọn kan ṣe máa ń fẹ́ kó rí nìyẹn tí wọ́n bá ń lo àwọn ìwé bí ìwé orin. Tí wọ́n bá ṣe é lọ́nà yìí, wọ́n máa rí àwọn àmì orin.

• View Text: Èyí máa jẹ́ kí àwọn ẹsẹ Bíbélì ní ìlujá tó ṣeé tẹ̀, ọ̀rọ̀ sì máa tóbi tàbí kéré bó o bá ṣe fẹ́ kó rí.

Apá tá a pè ní Open in . . . máa jẹ́ kó o lè wo àwọn ohun tó wà lórí JW Library níbòmíì.

Tó o bá tẹ ẹsẹ Bíbélì kan nínú ìtẹ̀jáde kan, ó máa gbé e wá. Tẹ bọ́tìnì Customize tó wà nísàlẹ̀ pátápátá ẹsẹ Bíbélì yẹn kó o lè yan àwọn Bíbélì tó o ti wà jáde tẹ́lẹ̀ tó o máa fẹ́ kó hàn nígbàkigbà tó o bá tẹ ẹsẹ Bíbélì kan.

Wo “Bó O Ṣe Lè Wa Bíbélì Jáde Kó O sì Máa Lò Ó​—Lórí Android” kó o lè mọ bó o ṣe lè wa àwọn Bíbélì míì jáde lórí JW Library.