DECEMBER 23, 2021
RỌ́ṢÍÀ

Àwọn Ohun Tí Jèhófà Pèsè Fi Ìdílé Postnikov Lọ́kàn Balẹ̀

TẸ̀ Ẹ̣́

Déètì Ìṣẹ̀lẹ̀

Ilé ẹjọ́ Birobidzhan District ti Jewish Autonomous Region máa tó kéde ìdájọ́ lórí ẹ̀sùn tí wọ́n fi kan Arákùnrin Oleg Postnikov àti Arábìnrin Agnessa Postnikova. Agbẹjọ́rò ìjọba tó fẹ̀sùn kàn wọ́n ò tíì sọ ìyà tó fẹ́ kí wọ́n fi jẹ wọ́n
February 12, 2021

Àwọn ọlọ́pàá fẹ̀sùn ọ̀daràn kan Agnessa. Wọ́n fẹ̀sùn kan ìdílé Postnikovs pé wọ́n ń dá ẹgbẹ́ “ọ̀daràn” sílẹ̀, wọ́n sì ń rọ àwọn míì pé kí wọ́n di “agbawèrèmẹ́sìn.” Wọ́n wá pàṣẹ fún Oleg àti Agnessa pé wọn ò gbọ́dọ̀ fi àdúgbò yẹn sílẹ̀, wọn ò sì jẹ́ kí wọ́n rí owó tí wọ́n tọ́jú sílé ìfowópamọ́ gbà. Yàtọ̀ síyẹn, wọ́n fi orúkọ wọn kún orúkọ àwọn afẹ̀míṣòfò tó wà lórílẹ̀-èdè Rọ́ṣíà
February 12, 2020

Àwọn ọlọ́pàá fẹ̀sùn ọ̀daràn kan Oleg

Ìsọfúnni Ṣókí

Oleg Postnikov

Wọ́n Bí I Ní: 1965 (Vyazemsky, Àgbègbè Khabarovsk)

Ìtàn Ìgbésí Ayé: Iṣẹ́ púlọ́ńbà ló ń ṣe tẹ́lẹ̀. Nígbà tó wà lọ́dọ̀ọ́, ó dara pọ̀ mọ́ ẹgbẹ́ ọ̀daràn kan, wọ́n sì jù ú sẹ́wọ̀n. Ìgbà tó wà lẹ́wọ̀n ló kẹ́kọ̀ọ́ Bíbélì. Lẹ́yìn tí wọ́n dá a sílẹ̀, ó ṣèrìbọmi, ó sì di ọ̀kan lára àwa Ẹlẹ́rìí Jèhófà lọ́dún 1986

Ó fẹ́ Agnessa lọ́dún 1989. Wọ́n sì lọ́mọ méjì

Ohun Tí Oleg Sọ

Báwo lo ṣe kẹ́kọ̀ọ́ òtítọ́ nínú ẹ̀wọ̀n?

Ó ní Ẹlẹ́rìí Jèhófà kan tí wọ́n fi sẹ́wọ̀n torí pé ó kọ̀ láti wọ iṣẹ́ ológun. . . . A jọ sọ̀rọ̀ gan-an nípa ẹ̀rí tó fihàn pé Ọlọ́run wà àti àwọn nǹkan tó fihàn pé irọ́ ni ẹ̀kọ́ ẹfolúsọ̀n. A tún sọ̀rọ̀ nípa àwọn nǹkan àgbàyanu tó wà láyé àti ní gbalasa òfúrufú. Àwọn ìjíròrò yẹn ló yí ìrònú mi pa dà pátápátá. . . . Nígbà tó yá, mo ka ọ̀pọ̀ ìwé táwọn Ẹlẹ́rìí Jèhófà tẹ̀ jáde. . . . Lẹ́yìn tí wọ́n dá mi sílẹ̀ lẹ́wọ̀n, mò ń bá ìkẹ́kọ̀ọ́ mi lọ, mo sì ṣèrìbọmi.

Àwọn nǹkan wo ló mú kó o gbẹ́kẹ̀ lé Jèhófà?

Mo máa ń gbàdúrà gan-an, pàápàá tí mo bá fẹ́ lọ rí ẹni tó ń fọ̀rọ̀ wá mi lẹ́nu wò. Ẹni tó ń fọ̀rọ̀ wá mi lẹ́nu wò máa fẹ́ fi ọgbọ́nkọ́gbọ́n àti ẹ̀tàn yí mi lérò pa dà. Mo wá rí i pé mi ò ní lè borí àfi tí mo bá gbára lé Jèhófà. Ìyẹn jẹ́ kọ́kàn mi balẹ̀, mi ò sì da ara mi láàmú mọ́ nípa ohun tó lè ṣẹlẹ̀.

Ṣé ẹsẹ Bíbélì kan wà tó fún yín níṣìírí lásìkò yẹn?

Mo sábà máa ń ronú lórí ọ̀rọ̀ tó wà nínú Jóṣúà 1:9 tó sọ pé: “Jèhófà Ọlọ́run rẹ wà pẹ̀lú rẹ níbikíbi tí o bá lọ.” Ìyẹn jẹ́ kí n mọ̀ pé mo lè bára mi níbikíbi tí mi ò rò. Ńṣe ló dà bí ìgbà tí Jèhófà sọ fún mi pé: ‘Fọkàn balẹ̀, mo wà pẹ̀lú ẹ. Bí mo ṣe wà pẹ̀lú [àwọn olóòótọ́ bíi] Jósẹ́fù. Mo wà pẹ̀lú ìwọ náà.’ Èyí kì í jẹ́ kí n dara mi láàmú nípa ohun tó lè ṣẹlẹ̀ lọ́la. Kì í sì jẹ́ kí n ronú nípa ohun tó lè kó ìrẹ̀wẹ̀sì bá mi.

Agnessa Postnikova

Wọ́n Bí I Ní: 1963 (Kazakhstan)

Ìtàn Ìgbésí Ayé: Òun ni ìkarùn-ún nínú ọmọ méje. Nígbà tó wà ní kékeré, ó fẹ́ràn kó máa jó, kó sì máa ṣeré orí ìtàgé. Ó tún fẹ́ràn kó máa ṣeré orí yìnyín. Ní báyìí, kì í sábà rìnrìn àjò kúrò nílùú tó wà, ó tún fẹ́ràn kó máa gbin òdòdó, kó sì máa rìnrìn afẹ́. Iṣẹ́ télọ̀ ló sì ń ṣe

Ó ṣèrìbọmi lọ́dún 1979. Ó fẹ́ Oleg lọ́dún 1989

Ohun Tí Agnessa Sọ

Àwọn nǹkan wo ló ràn ẹ́ lọ́wọ́ lásìkò tí nǹkan ò rọrùn yìí?

Mo fẹ́ fi àsìkò yìí dúpẹ́ lọ́wọ́ Ìgbìmọ̀ Olùdarí fún bí wọ́n ṣe ń pèsè oúnjẹ tẹ̀mí lásìkò tó tọ́. Mo tún fẹ́ dúpẹ́ lọ́wọ́ àwọn arákùnrin àtàwọn arábìnrin tí wọ́n ń bá ètò Ọlọ́run ṣiṣẹ́ láti ṣètò orin, àwòkẹ́kọ̀ọ́, fídíò, ìpàdé àgbègbè àti àwọn ìtumọ̀ Bíbélì ta a ní. Mo tún dúpẹ́ lọ́wọ́ Jèhófà pé ó jẹ́ kí n wà lára ẹgbẹ́ ará tó jẹ́ ìdílé yìí, tó sì ń fún mi lókun lásìkò tí nǹkan ṣòro fún mi.

Àwọn nǹkan wo ní pàtó ni Jèhófà pèsè tó ràn ẹ́ lọ́wọ́?

Ará máa ń tù mí tí mo bá gbàdúrà sí Jèhófà, tí mo sì ń ronú lórí àwọn orin wa bíi, ‘Ayé Tuntun’ àti ‘Ó Ti Fẹ́rẹ̀ẹ́ Dé Tán.’ Àwọn orin yìí máa ń jẹ́ kí n fojú inú wo bí nǹkan ṣe máa rí nínú ayé tuntun. Ìyẹn máa ń fi mí lọ́kàn balẹ̀, ó sì máa ń jẹ́ kó dá mi lójú pé Bàbá mi ọ̀run nífẹ̀ẹ́ mi.

Irú àwọn ìrírí báyìí ń jẹ́ ká rí i pé Jèhófà ń ran àwọn èèyàn ẹ̀ lọ́wọ́ láti jẹ́ olóòótọ́ sí i láìka àdánwò yòówù kí wọ́n kojú sí. Ǹjẹ́ kí gbogbo wa túbọ̀ máa gbára lé ‘ìfẹ́ Jèhófà tí kì í yẹ̀ àti òtítọ́ rẹ̀.’—Sáàmù 115:1.

O Tún Lè Wo

ÌRÒYÌN

Wọ́n Fi Wọ́n Sẹ́wọ̀n Torí Ohun Tí Wọ́n Gbà Gbọ́—Rọ́ṣíà

Wọ́n ń fi àwọn Ẹlẹ́rìí Jèhófà sẹ́wọ̀n ní Rọ́ṣíà torí ohun tí wọ́n gbà gbọ́. O lè mọ púpọ̀ sí i nípa àwọn tó wà lẹ́wọ̀n, a tún ní ibi tá a kọ orúkọ àwọn Ẹlẹ́rìí Jèhófà tó wà ní ẹ̀wọ̀n sí.

ÌRÒYÌN