JULY 4, 2019
RỌ́ṢÍÀ
Ìjọba Rọ́ṣíà Gbẹ́sẹ̀ Lé Dúkìá Àwa Ẹlẹ́rìí Jèhófà Tí Iye Rẹ̀ Ju Mílíọ̀nù Mẹ́tàdínlọ́gọ́ta (57) Owó Dọ́là Lọ
Látìgbà tí Ilé Ẹjọ́ Gíga Jù Lọ ní Rọ́ṣíà ti fòfin de àwa Ẹlẹ́rìí Jèhófà ní April 20, 2017, ni wọ́n ti ń ṣenúnibíni sáwọn arákùnrin àtàwọn arábìnrin wa, tí wọ́n sì ń fi wọ́n sẹ́wọ̀n. Àtìgbà náà làwọn aláṣẹ ti gbẹ́sẹ̀ lé dúkìá àwa Ẹlẹ́rìí Jèhófà tí iye rẹ̀ tó mọ́kànléláàádóje (131). Wọ́n sì tún ń sapá láti gbẹ́sẹ̀ lé ọgọ́ta (60) dúkìá míì. Àròpọ̀ gbogbo dúkìá náà ju mílíọ̀nù mẹ́tàdínlọ́gọ́ta (57) owó dọ́là lọ.
Ọ̀kan lára ohun ìní tí wọ́n gbẹ́sẹ̀ lé ni ilé Watch Tower Bible and Tract Society of Pennsylvania tó wà ní Solnechnoye, ìyẹn ẹ̀ka ọ́fíìsì wa ní Rọ́ṣíà tẹ́lẹ̀. (wo àwòrán tó wà lókè lápá òsì.) Tá a bá ṣírò iye tí ilé yìí nìkan jẹ́, ó tó ọgbọ̀n (30) mílíọ̀nù owó dọ́là. Dúkìá mẹ́tàlélógójì (43) míì tí wọ́n gbẹ́sẹ̀ lé jẹ́ ti àjọ ilẹ̀ òkèèrè tá a gbé kalẹ̀ lábẹ́ òfin tó wà ní Austria, Denmark, Finland, Netherlands, Nọ́wè, Pọ́túgà, Sípéènì, Sweden, àti Amẹ́ríkà. Òótọ́ ni pé Ilé Ẹjọ́ Gíga ti fòfin dé àwa Ẹlẹ́rìí Jèhófà, àmọ́ ìyẹn ò fún ìjọba láṣẹ láti gbẹ́sẹ̀ lé àwọn ohun ìní wa tó jẹ́ ti ilẹ̀ òkèèrè, torí náà bí wọ́n ṣe gba àwọn dúkìá náà kò bófin mu.
Àwa Ẹlẹ́rìí Jèhófà ti kọ̀wé sí Ilé Ẹjọ́ Ẹ̀tọ́ Ọmọnìyàn ti Ilẹ̀ Yúróòpù (ECHR) lórí bí ìjọba ṣe gbẹ́sẹ̀ lé ẹ̀ka ọ́fíìsì tá à ń lò ní Rọ́ṣíà tẹ́lẹ̀. Ìpinnu yòówù kí ECHR ṣe, Jèhófà la fọkàn tán, òun la sì gbára lé. Àdúrà wa ni pé kí Jèhófà fún àwọn ará wa ní Rọ́ṣíà lókun kí wọ́n lè máa fìgboyà sin Jèhófà “ní ẹ̀mí àti òtítọ́” láìka bí ìjọba ṣe ń dà wọ́n láàmù, tí wọ́n ń mú wọ́n, tí wọ́n sì ń gbẹ́sẹ̀ lé àwọn Gbọ̀ngàn Ìjọba wa.—Jòhánù 4:23.
O Tún Lè Wo
ÌRÒYÌN
Orílẹ̀-Èdè Rọ́ṣíà Gbẹ́sẹ̀ Lé Ẹ̀ka Ọ́fíìsì Wa Tẹ́lẹ̀
Kí ẹjọ́ kọ̀tẹ́milọ́rùn tó bẹ̀rẹ̀ ní Ilé Ẹjọ́ Ìlú St. Petersburg, akọ̀ròyìn kan, onímọ̀ nípa ọ̀rọ̀ ẹ̀sìn kan àtàwọn agbẹjọ́rò méjì túdìí àṣírí àìṣèdájọ́ òdodo tó wà nínú bí orílẹ̀-èdè Rọ́ṣíà ṣe gba ẹ̀ka ọ́fíìsì wa tẹ́lẹ̀.
ÌRÒYÌN
Ilé Ẹjọ́ Gíga Jù Lọ ní Rọ́ṣíà Kò Yíhùn Pa Dà Lórí Ẹjọ́ tí Wọ́n Dá Fáwọn Ẹlẹ́rìí Jèhófà Tẹ́lẹ̀
Ilé Ẹjọ́ Gíga Jù Lọ ní Rọ́ṣíà fagi lé ẹjọ́ kòtẹ́milọ́rùn táwọn Ẹlẹ́rìí pè, wọ́n sì sọ pé àwọn ò yíhùn pa dà lórí ẹjọ́ táwọn kọ́kọ́ dá ní April 20. Àmọ́ àwọn Ẹlẹ́rìí Jèhófà máa kọ̀wé pe ẹjọ́ kòtẹ́milọ́rùn sí Ilé Ẹjọ́ Ẹ̀tọ́ Ọmọnìyàn ti Ilẹ̀ Yúróòpù àti Ìgbìmọ̀ Tó Ń Rí sí Ẹ̀tọ́ Ọmọnìyàn lábẹ́ ìdarí Ìparapọ̀ Àwọn Orílẹ̀-èdè.
ÌRÒYÌN
A Máa Gbé Ẹjọ́ Dennis Christensen Lọ sí Ilé Ẹjọ́ Ẹ̀tọ́ Ọmọnìyàn ti Ilẹ̀ Yúróòpù
Ní May 23, 2019, Ilé Ẹjọ́ Agbègbè Oryol fara mọ́ ọn pé kí Dennis Christensen lọ sẹ́wọ̀n. A máa kọ̀wé ránṣẹ́ sí lé Ẹjọ́ Ẹ̀tọ́ Ọmọnìyàn ti Ilẹ̀ Yúróòpù lórí ọ̀rọ̀ yìí.