Ní October 23, 2020, Ilé Ẹjọ́ Agbègbè Oktyabrsky tó wà ní Kirov dẹ́bi fún Anatoliy, wọ́n sì ní kó san owó ìtanràn nǹkan bíi mílíọ̀nù méjì àtààbọ̀ náírà ($6,552 U.S.). Ó láǹfààní láti pe ẹjọ́ kòtẹ́milọ́rùn láàárín ọjọ́ mẹ́wàá.

Nínú ọ̀rọ̀ tí Arákùnrin Tokarev sọ kẹ́yìn kó tó kúrò nílé ẹjọ́, ó fìgboyà sọ pé: “Ohun táwọn agbófinró ń dọ́gbọ́n sọ nígbà tí wọ́n fẹ̀sùn ọ̀daràn kàn mí ni pé: ‘A fẹ́ kó o sọ pé o ò sin Ọlọ́run mọ́, àìjẹ́ bẹ́ẹ̀ . . . a máa fìyà tó le jẹ ẹ́ níwájú gbogbo èèyàn.’ . . . Olúwa mi, lọ́jọ́ àkọ́kọ́ tí wọ́n bẹ̀rẹ̀ ìgbẹ́jọ́ yìí, mo ti sọ fún ilé ẹjọ́ pé mi ò ní fi Ọlọ́run sílẹ̀, ohun kan náà ni màá tún sọ lónìí. . . . Lóòótọ́, kò sẹ́ni tá gbọ́ pé wọ́n fẹ́ fi òun sẹ́wọ̀n tàbí pa òun bí wọ́n ṣe ń halẹ̀ mọ́ èmi àtàwọn Ẹlẹ́rìí Jèhófà tó kù, tẹ́rù ò ní bà á. Bí wọ́n sì ṣe pè mí ní agbawèrèmẹ́sìn láìrú òfin ìjọba ti bà mí lórúkọ jẹ́. Síbẹ̀, Olúwa mi, mi ò ní fi Ọlọ́run sílẹ̀, kí n má bàa kúrò nínú ìfẹ́ rẹ̀.”