Ní September 25, 2020, Ilé Ẹjọ́ Yelizovsky tó wà lágbègbè Kamchatka dẹ́bi fún Arákùnrin Konstantin Bazhenov, Snezhana ìyàwó ẹ̀ àti Arábìnrin Vera Zolotova. Ohun táwọn alátakò ń retí tẹ́lẹ̀ ni pé kílé ẹjọ́ gba owó ìtanràn tó ju mílíọ̀nù mẹ́ta náírà lọ́wọ́ Arákùnrin Bazhenov àti ìyàwó ẹ̀, kí Arábìnrin Zolotova sì san nǹkan bíi mílíọ̀nù méjì náírà. Àmọ́ ṣe nilé ẹjọ́ ní kí wọ́n lo ọdún méjì nílé, káwọn agbófinró má sì fún wọn lómìnira fún oṣù mẹ́fà lẹ́yìn tí ọdún méjì yẹn bá pé. Inú Arákùnrin Bazhenov, Arábìnrin Bazhenov àti Arábìnrin Zolotova dùn gan-an pé àwọn ò ní lọ sẹ́wọ̀n, àwọn ò sì ní san owó ìtanràn.