Ní September 3, 2019, wọ́n dá Arákùnrin Andrzej Oniszczuk sílẹ̀ lọ́gbà ẹ̀wọ̀n kan lórílẹ̀-èdè Rọ́ṣíà. Láti October 9, 2018 ni wọ́n ti fi í sẹ́wọ̀n torí pé ó ń jọ́sìn Ọlọ́run. Láàárín àkókò yẹn, wọ́n fi í sínú àhámọ́, wọn ò jẹ́ kó rí Anna ìyàwó rẹ̀, wọn ò tún jẹ́ kó bá a sọ̀rọ̀. Bó tiẹ̀ jẹ́ pé wọ́n ti jẹ́ kó pa dà sílé báyìí, àmọ́ àwọn aláṣẹ ò gbà á láyè láti lọ síbi tó wù ú. Wọn ò sì tíì parí ẹjọ́ lórí ẹ̀sùn ìwà ọ̀daràn tí wọ́n fi kàn án.

Inú wa dùn pé Arákùnrin Andrzej Oniszczuk àti ìyàwó rẹ̀ dúró gbọin-in lákòókò tí nǹkan le koko yìí. A dúpẹ́ pé Jèhófà ń dáhùn àwọn àdúrà tá a gbà nítorí àwọn tó wa nínú “ìdè ẹ̀wọ̀n.”​—Kólósè 4:2, 3.