JANUARY 31, 2019
RỌ́ṢÍÀ
Wọ́n Máa Dá Ẹjọ́ Dennis Christensen ní February 6, 2019
Ilé Ẹjọ́ Agbègbè Zheleznodorozhniy tó wà ní ìlú Oryol ti parí gbígbọ́ ẹjọ́ Dennis Christensen, adájọ́ sì máa sọ ìdájọ́ rẹ̀ ní Wednesday, February 6, 2019.
Àtìgbà tí wọ́n ti mú Arákùnrin Christensen ní May 25, 2017 ló ti wà látìmọ́lé. Wọ́n bẹ̀rẹ̀ sí í gbọ́ ẹjọ́ ẹ̀sùn ìwà ọ̀daràn tí wọ́n fi kàn án ní February 19, 2018. Tí ilé ẹjọ́ bá dá Arákùnrin Christensen lẹ́bi, àwọn tó fẹ̀sùn kàn án ti sọ pé kí wọ́n rán an lẹ́wọ̀n ọdún mẹ́fà àtààbọ̀.
Bó tiẹ̀ jẹ́ pé ó ti lé ní ogún (20) oṣù tí Arákùnrin Christensen ti wà lẹ́wọ̀n, kò bọkàn jẹ́, ó gbẹ́kẹ̀ lé Jèhófà ó sì mọyì àdúrà táwọn ará kárí ayé ń gbà fún òun.—2 Tẹsalóníkà 3:1, 2.
Tún Wo
ÌRÒYÌN
Àwọn Ọlọ́pàá Ya Wọ Ìpàdé Àwọn Ẹlẹ́rìí ní Rọ́ṣíà, Wọ́n Mú Ọmọ Ilẹ̀ Denmark Kan Tó Jẹ́ Ẹlẹ́rìí Jèhófà, Wọ́n sì Fi Sẹ́wọ̀n
Àwọn aláṣẹ ní Rọ́ṣíà àtàwọn jàǹdùkú ń fìbínú ṣe ẹ̀tanú ẹ̀sìn sáwọn Ẹlẹ́rìí Jèhófà tó wà lórílẹ̀-èdè Rọ́ṣíà.
ÌRÒYÌN
Wọ́n Fi Wọ́n Sẹ́wọ̀n Torí Ohun Tí Wọ́n Gbà Gbọ́—Rọ́ṣíà
Wọ́n ń fi àwọn Ẹlẹ́rìí Jèhófà sẹ́wọ̀n ní Rọ́ṣíà torí ohun tí wọ́n gbà gbọ́. O lè mọ púpọ̀ sí i nípa àwọn tó wà lẹ́wọ̀n, a tún ní ibi tá a kọ orúkọ àwọn Ẹlẹ́rìí Jèhófà tó wà ní ẹ̀wọ̀n sí.