NOVEMBER 23, 2017
RỌ́ṢÍÀ
Ilé Ẹjọ́ ní Rọ́ṣíà Máa Gbọ́ Ẹjọ́ Kòtẹ́milọ́rùn Tí Ilé Ẹjọ́ Kékeré Kan Dá Pé “Ìwé Agbawèrèmẹ́sìn” ni Bíbélì
Ní December 6, 2017, ilé ẹjọ́ Leningrad Regional Court máa gbọ́ ẹjọ́ kòtẹ́milọ́rùn tí ilé ẹjọ́ kékeré kan dá pé Ìwé Mímọ́ ní Ìtumọ̀ Ayé Tuntun ní èdè Russian kì í ṣe Bíbélì.
Ní August 2017, ilé ẹjọ́ Vyborg City Court gbà pẹ̀lú ohun tí agbẹjọ́rò ìjọba sọ pé, Ìwé Mímọ́ ní Ìtumọ̀ Ayé Tuntun kì í ṣe Bíbélì torí pé orúkọ Ọlọ́run ìyẹn “Jèhófà” wà nínú ẹ̀. Èyí ló mú kí agbẹjọ́rò ìjọba fi ẹ̀sùn agbawèrèmẹ́sìn kàn wá, bó tilẹ̀ jẹ́ pé òfin sọ pé Bíbélì kì í ṣe ìwé agbawèrèmẹ́sìn, wọn ò sì gbọdọ̀ sọ pé kéèyàn má lò ó.
Àwa Ẹlẹ́rìí Jèhófà la ṣe Ìwé Mímọ́ ní Ìtumọ̀ Ayé Tuntun lédè Russian, a ò sì gbà pẹ̀lú ẹjọ́ tí ilé ẹjọ́ Vyborg City Court dá pé “ìwé agbawèrèmẹ́sì” ni Bíbélì yìí. A ti ṣe Ìwé Mímọ́ ní Ìtumọ̀ Ayé Tuntun jáde ní èdè mọ́kàn-lé-lọ́gọ́jọ [161], àwọn èèyàn mọyì rẹ̀ gan-an torí ó péye ó sì rọrùn kà. Ìyè ẹ̀dà Bíbélì yìí tá a ti fáwọn èèyàn lé ní ọgọ́rùn-ún méjì [200] mílíọ̀nù.
O Tún Lè Wo
ÌRÒYÌN
Ilé Ẹjọ́ ní Rọ́síà Kéde Pé Ìwé “Agbawèrèmẹ́sìn” Ni Bíbélì
Ilé Ẹjọ́ Ìlú Vyborg kéde pé ìwé ‘agbawèrèmẹ́sìn’ ni Bíbélì Ìwé Mímọ́ ní Ìtumọ̀ Ayé Tuntun lédè Rọ́síà, ìyẹn Bíbélì táwọn Ẹlẹ́rìí Jèhófà tẹ̀ jáde lóríṣiríṣi èdè.
ÌRÒYÌN
Ilé Ẹjọ́ Gíga Jù Lọ Fòfin De Iṣẹ́ Àwọn Ẹlẹ́rìí Jèhófà ní Rọ́ṣíà
Ilé Ẹjọ́ Gíga Jù Lọ fọwọ́ sí i pé kí ìjọba ti Ẹ̀ka Ọ́fíìsì Tó Ń Bójú Tó Iṣẹ́ Àwọn Ẹlẹ́rìí Jèhófà pa, títí kan àwọn ibi 395 tí wọ́n ti forúkọ ẹ̀sìn wọn sílẹ̀ lórílẹ̀-èdè náà.
ÌBÉÈRÈ TÁWỌN ÈÈYÀN MÁA Ń BÉÈRÈ
Ṣé Bíbélì Àwọn Ẹlẹ́rìí Jèhófà Yàtọ̀?
Tó o bá lo oríṣiríṣi ìtumọ̀ Bíbélì làti fi kẹ́kọ̀ọ́ Ọ̀rọ̀ Ọlọ́run, wà á túbọ̀ lóye ohun tó ò ń kọ́. Ohun mẹ́ta kan wà nípa Bíbélì Mímọ́ ti Ìtumọ̀ Ayé Tuntun tó lè mú kó o fẹ́ lò ó láti kẹ́kọ̀ọ́.