FEBRUARY 23, 2022
BRAZIL
Àrọ̀ọ̀rọ̀dá Òjò àti Ẹrẹ̀ Tó Ya Ṣọṣẹ́ ní Agbègbè Kan Lórílẹ̀-Èdè Brazil
Ní February 15, 2022, òjò oníjì líle mú kí ẹrẹ̀ ya lágbègbè tí òkè pọ̀ sí ní ìlú Petrópolis ní ìpínlẹ̀ Rio de Janeiro, lórílẹ̀-èdè Brazil. Àjálù náà ba ọ̀pọ̀ ilé àti ilé iṣẹ́ jẹ́. Òjò yẹn pọ̀ gan-an kódà irú ẹ̀ fẹ́rẹ̀ẹ́ má rọ̀ rí lágbègbè náà.
Ìpalára Tí Àjálù Náà Ṣe Fáwọn Ará Wa
Arákùnrin kan fara pa gan-an, wọ́n sì gbé e lọ sílé ìwòsàn. Àmọ́, ó bani nínú jẹ́ pé ọmọ ẹ̀ tó jẹ́ ọmọ ọdún méjì kú sínú ẹrẹ̀ náà
Arákùnrin kan náà kú
Akéde mẹ́rìndínláàádọ́rùn-ún (86) ló fi ilé wọn sílẹ̀
Ilé méjì ló wó pátápátá
Ilé mẹ́ẹ̀ẹ́dógún (15) ló bà jẹ́ díẹ̀
Gbọ̀ngàn Ìjọba méjì ló bà jẹ́ díẹ̀
Bá A Ṣe Ran Àwọn Ará Wa Lọ́wọ́
Wọ́n yan Ìgbìmọ̀ To Ń Ṣètò Ìrànwọ́ Nígbà Àjálù kí wọ́n lè bójú tó ohun táwọn ará nílò
Alábòójútó àyíká àti àwọn alàgbà fi Ìwé Mímọ́ tu àwọn ará nínú, bákan náà wọ́n pèsè oúnjẹ, omi àti aṣọ fún àwọn ará tí ọ̀rọ̀ kan
Àwọn ará tó fi ilé sílẹ̀ lọ ń gbé lọ́dọ̀ àwọn mọ̀lẹ́bí wọn tàbí ọ̀dọ̀ àwọn ará míì fúngbà díẹ̀
Gbogbo àwọn ará tó ṣèrànwọ́ ni wọ́n tẹ̀ lé òfin tí ìjọba ṣe kí wọ́n lè dáàbò bo ara wọn lọ́wọ́ àrùn Corona
Bá a ṣe ń rántí àwọn ará wa tí àjálù ṣẹlẹ̀ sí yìí nínú àdúrà, ó dá wa lójú pé Jèhófà máa ‘tu ọkàn wọn lára, á sì fìdí wọn múlẹ̀ gbọn-in,’ pàápàá àwọn tí èèyàn wọ́n kú.—2 Tẹsalóníkà 2:16, 17.
O Tún Lè Wo
ÌBÉÈRÈ TÁWỌN ÈÈYÀN MÁA Ń BÉÈRÈ
Ṣé Àwọn Ẹlẹ́rìí Jèhófà Máa Ń Ṣèrànwọ́ Nígbà Àjálù?
Tí àjálù bá ṣẹlẹ̀, wo bá a ṣe ń ran àwọn ará wa lọ́wọ́, títí kan àwọn míì tí kì í ṣe Ẹlẹ́rìí Jèhófà.