Ní Friday, May 18, 2018, ọkọ̀ òfuurufú kan tí wọ́n ń pè ní Boeing 737 já bọ́ láìpẹ́ sígbà tó gbéra nílùú Havana lórílẹ̀-èdè Cuba. Nínú gbogbo àwọn mẹ́tàléláàádọ́fà (113) tó wọkọ̀ òfuurufú náà, ẹnì kan péré ló yè é. Ìṣẹ̀lẹ̀ yìí ni jàǹbá ọkọ̀ òfuurufú tó burú jù tó tíì wáyé lórílẹ̀-èdè yìí láti ọ̀pọ̀ ọdún sẹ́yìn.

Ó dùn wá pé ìdílé ẹlẹ́ni mẹ́ta kan tí wọ́n jẹ́ Ẹlẹ́rìí Jèhófà (ìyẹn bàbá, ìyá àti ọmọkùnrin wọn ọlọ́dún méjìlélógún (22)) wà lára àwọn tó bá ìṣẹ̀lẹ̀ náà lọ. A ti sin òkú wọn ní Saturday, May 26, 2018.

Àwọn alàgbà tó wà nílùú náà ò fi tẹbí-tọ̀rẹ́ àwọn tí àjálù ṣẹlẹ̀ sí sílẹ̀, wọ́n sì ń fi ọ̀rọ̀ Bíbélì tù wọ́n nínú. Bẹ́ẹ̀ náà làwọn aláṣẹ ìlú ń fìfẹ́ ṣèrànwọ́. Ó dá wa lójú pé Jèhófà ò ní yéé ‘tu gbogbo àwọn tó ń ṣọ̀fọ̀ nínú’ lásìkò tí nǹkan nira yìí.​—Aísáyà 61:1, 2.