Ní Sunday, March 10, ọkọ̀ òfúrufú 302 ti Ethiopian Airlines gbéra ní Addis Ababa tó jẹ́ olú ìlú orílẹ̀-èdè Etiópíà, àmọ́ kò pẹ́ lẹ́yìn tó gbéra tó fi ko jàǹbá. Gbogbo àwọn mẹ́tàdínlọ́gọ́jọ (157) tó wà nínú ẹ̀ ló sì kú.

Ó dùn wá pé arábìnrin wa kan tó ń jẹ́ Rosemary Mumbi wà lára àwọn tó kú nínú jàǹbá ọkọ̀ náà. Ẹni ọdún mẹ́rìndínláàádọ́rin (66) ni Arábìnrin Mumbi, ó sì máa ń lo èyí tó pọ̀ jù lára àkókò rẹ̀ lẹ́nu iṣẹ́ ìwàásù, ìjọ Roma Manzoni Inglese ló wà ní ìlú Rome, lórílẹ̀-èdè Ítálì.

Ìròyìn ikú arábìnrin yìí dùn wá gan-an. À ń retí ìgbà tí àwọn olóòótọ́ ìránṣẹ́ Jèhófà máa jíǹde, tí àá sì lè kí wọn káàbọ̀ títí kan Arábìnrin Mumbi.—Ìfihàn 20:13.