JUNE 27, 2017
ILẸ̀ GẸ̀Ẹ́SÌ
Àwọn Ẹlẹ́rìí Ṣèrànwọ́ Lẹ́yìn Tí Iná Jó Ilé Kan Kanlẹ̀ Nílùú London
Àwọn Ẹlẹ́rìí Jèhófà ń ṣèrànwọ́ fáwọn tí àjálù ṣẹlẹ̀ sí nílùú London. Láàárọ̀ kùtù ọjọ́ Wednesday, June 14, 2017, iná jó ilé gogoro Grenfell Tower kanlẹ̀, ilé alájà mẹ́rìnlélógún [24] kan tó wà ní àdúgbò North Kensington nílùú London, ó sì ṣọṣẹ́ gan-an. Àwọn aláṣẹ sọ pé ó kéré tán, èèyàn mọ́kàndínlọ́gọ́rin [79] ló kú sínú ìṣẹ̀lẹ̀ náà.
Mẹ́rin làwọn Ẹlẹ́rìí Jèhófà tí wọ́n mú kúrò nínú ilé náà, ilé gogoro Grenfell Tower yẹn ni méjì nínú wọn ń gbé. A dúpẹ́ pé ìkankan nínú àwọn Ẹlẹ́rìí ò fara pa, bó tiẹ̀ jẹ́ pé ilé wọn wà lára àwọn ilé tó jóná kanlẹ̀. Àwọn Ẹlẹ́rìí Jèhófà tó ń gbé nítòsí ilé tí iná ti ṣọṣẹ́ yìí ń fún ará wọn àtàwọn ìdílé wọn tí àjálù ṣẹlẹ̀ sí ní oúnjẹ, aṣọ àti owó tí wọ́n lè fi tọ́jú ara wọn. Àwọn Ẹlẹ́rìí tún ń fi Bíbélì tu àwọn tí ọ̀fọ̀ ṣẹ̀ nínú ládùúgbò North Kensington.
Agbẹnusọ fún Àwa Ẹlẹ́rìí Jèhófà:
Kárí Ayé: David A. Semonian, Ọ́fíìsì Agbéròyìnjáde, +1-845-524-3000
Britain: Andrew Schofield, +44-20-8906-2211
O Tún Lè Wo
ÌRÒYÌN
Àwọn Ẹlẹ́rìí Jèhófà Tu Àwọn Èèyàn Nínú Nígbà Ìwàásù Àkànṣe tí Wọ́n Ṣe Lẹ́yìn Ìmìtìtì Ilẹ̀ Tó Wáyé ní Ítálì
Kárí ayé ni àwọn Ẹlẹ́rìí ti ṣe ìwàásù àkànṣe kan, àmọ́ lórílẹ̀-èdè Ítálì, wọ́n ń sapá gidigidi kí wọ́n lè sọ̀rọ̀ ìtùnú fáwọn tí àjálù dé bá torí ìmìtìtì ilẹ̀ tó wáyé ní àgbègbè Lazio, Marche àti Umbria.
ÌBÉÈRÈ TÁWỌN ÈÈYÀN MÁA Ń BÉÈRÈ
Ṣé Àwọn Ẹlẹ́rìí Jèhófà Máa Ń Ṣèrànwọ́ Nígbà Àjálù?
Tí àjálù bá ṣẹlẹ̀, wo bá a ṣe ń ran àwọn ará wa lọ́wọ́, títí kan àwọn míì tí kì í ṣe Ẹlẹ́rìí Jèhófà.