Inú wa dùn láti sọ fún yín pé lọ́dún iṣẹ́ ìsìn 2019, àwọn tó lé ní ẹgbẹ̀rún lọ́nà ọgọ́rùn-ún mẹ́ta (300,000) ló ṣèrìbọmi tí wọ́n sì di Ẹlẹ́rìí Jèhófà. Ìgbà àkọ́kọ́ rèé láti ọdún 1999 tí iye àwọn tó ṣèrìbọmi máa ju ẹgbẹ̀rún lọ́nà ọgọ́rùn-ún mẹ́ta lọ. A dúpẹ́ lọ́wọ́ Jèhófà Ọlọ́run tó bù kún iṣẹ́ ìwàásù àti iṣẹ́ sísọni di ọmọ ẹ̀yìn tá à ń ṣe tọkàntọkàn yìí!

Mánigbàgbé lọdún iṣẹ́ ìsìn 2019 jẹ́ torí a ṣe àwọn àpéjọ àgbáyé, a mú Bíbélì jáde lóríṣiríṣi èdè, àwọn ará sì fi ìfẹ́ tí kì í yẹ̀ hàn síra wọn bí wọ́n ṣe ń ran ara wọn lọ́wọ́ nígbà àjálù. Díẹ̀ lára gbogbo àròpọ̀ ìròyìn ọdún iṣẹ́ ìsìn 2019 kárí ayé rèé. *

• Iye Orílẹ̀-Èdè Tó Ròyìn: 240

• Àwọn Tó Wá Síbi Ìrántí Ikú Kristi Kárí Ayé: 20,919,041

• Góńgó Akéde: 8,683,117

• Àròpọ̀ Iye Àwọn Tó Ṣèrìbọmi: 303,866

Àwọn ìrírí bí èyí máa ń wú wa lórí gan-an, ṣe ló máa ń jẹ́ kó túbọ̀ wù wá láti tẹ̀ lé àṣẹ tí Jésù Kristi pa fún wa nínú ẹsẹ ìwé mímọ́ ọdún 2020 tó sọ pé: “Torí náà, ẹ lọ, kí ẹ máa sọ àwọn èèyàn . . . di ọmọ ẹ̀yìn, ẹ máa batisí wọn.”—Mátíù 28:19.