Ní June 13, 2021, Arákùnrin Mark Sanderson tó jẹ́ ara Ìgbìmọ̀ Olùdarí mú Bíbélì Mímọ́ ti Ìtumọ̀ Ayé Tuntun jáde Lédè Tajiki. A mú Bíbélì yìí jáde ní ẹ̀dà ti orí ẹ̀rọ nígbà ìtòlẹ́sẹẹsẹ orí fídíò tá a gbà sílẹ̀.

• Àwọn èèyàn tó tó mílíọ̀nù mẹ́rìnlá ló ń sọ èdè Tajiki, wọ́n sì fojú bù ú pé àwọn mílíọ̀nù márùn-ún lára wọn ló ń gbé ìlú Tajikistan

• Nǹkan bí ọdún mẹ́rin làwọn atúmọ̀ èdè láti àwọn orílẹ̀-èdè bíi mélòó kan fi ṣiṣẹ́ lórí ìtumọ̀ Bíbélì yìí

Ọ̀kan lára àwọn atúmọ̀ èdè náà sọ pé: “Bíbélì Ìtumọ̀ Ayé Tuntun ní èdè Tajiki yìí máa jẹ́ káwọn tó ń kà á tètè lóye Ọ̀rọ̀ Ọlọ́run àti bí wọ́n á ṣe fi í sílò. Kò sí àní-àní pé ó máa ran gbogbo wa lọ́wọ́ láti sún mọ́ Jèhófà, ẹni tó ṣe Bíbélì.”—Jémíìsì 4:8.