Ní January 30, 2017, Ilé Ẹjọ́ Ìlú Astana fagi lé ẹjọ́ kòtẹ́milọ́rùn tí Teymur Akhmedov pè kí wọ́n lè dá a sílẹ̀ látìmọ́lé tí wọ́n fi sí kí wọ́n tó gbọ́ ẹjọ́ rẹ̀. January 18 ni àwọn aláṣẹ mú un, torí pé wọ́n ń bá àwọn ọkùnrin kan sọ̀rọ̀, bẹ́ẹ̀ sì rèé, ṣe làwọn ọkùnrin ọ̀hún ń díbọ́n bíi pé àwọn máa ń fẹ́ gbọ́rọ̀ àwọn Ẹlẹ́rìí Jèhófà. Wọ́n fẹ̀sùn kan Teymur pé wọ́n ń “dá wàhálà sílẹ̀ láàárín àwọn ẹlẹ́sìn”, wọ́n sì ń “gbé [ẹ̀sìn] kan ga ju àwọn yòókù lọ.” Ilé ẹjọ́ ò jẹ́ ká rí ẹ̀rí kankan tó fi yẹ kí wọ́n ti Teymur mọ́lé láì tíì gbọ́ ẹjọ́ wọn.

Ohun tí ilé ẹjọ́ sọ labẹ gé báyìí, Teymur ò lè pe ẹjọ́ kòtẹ́milọ́rùn mọ́ lórí ọ̀rọ̀ yìí. Àfi kó wà látìmọ́lé títí wọ́n á fi parí ìwádìí tí wọ́n ń ṣe lórí ọ̀rọ̀ rẹ̀, tí wọ́n á sì gbọ́ ẹjọ́ wọn. Tí wọ́n bá sọ pé ó jẹ̀bi ẹ̀sùn ọ̀daràn tí wọ́n fi kàn án, tí ilé ẹjọ́ náà sì dá a lẹ́bi, wọ́n lè rán an lọ sẹ́wọ̀n ọdún márùn-ún sí mẹ́wàá.