APRIL 11, 2018
KAZAKHSTAN
Wọ́n Ti Dá Teymur Akhmedov Sílẹ̀ Lẹ́wọ̀n Lórílẹ̀-èdè Kazakhstan ní April 4, 2018
Nursultan Nazarbayev tó jẹ́ ààrẹ orílẹ̀-èdè Kazakhstan ní kí wọ́n dá Teymur Akhmedov sílẹ̀, wọ́n sì mú un kúrò látìmọ́lé ní April 4, 2018. Ṣáájú àkókò yẹn, ní March 27, 2018, àwọn aláṣẹ gba Arákùnrin Akhmedov láyè pé kó lọ ṣiṣẹ́ abẹ pàjáwìrì nílé ìwòsàn kan tó wà nílùú Almaty. Ibẹ̀ ló wà báyìí, tí ara rẹ̀ ti ń yá díẹ̀díẹ̀.
Arákùnrin Akhmedov, ẹni ọdún mọ́kànlélọ́gọ́ta (61), ti wà lẹ́wọ̀n láti January 18, 2017, torí pé ó kàn ń ṣe ohun tó gbà gbọ́. Inú ẹ̀ dùn pé òun ti pa dà sílé báyìí lọ́dọ̀ àwọn mọ̀lẹ́bí òun.
Gbogbo wa là ń yọ̀ torí pé Jèhófà ti gba ìránṣẹ́ rẹ̀ olóòótọ́ sílẹ̀.—2 Sámúẹ́lì 22:2.
O Tún Lè Wo
ÌRÒYÌN
Àwọn Aláṣẹ ní Kazakhstan Fi Ẹlẹ́rìí Jèhófà Tó Ń Ṣàìsàn Sẹ́wọ̀n, Wọ́n sì Fòfin Dè é Pé Kò Gbọ́dọ̀ Jọ́sìn
Teymur Akhmedov ti níyàwó, ó sì ti bímọ mẹ́ta. Àwọn aláṣẹ rán an lọ sẹ́wọ̀n ọdún márùn-ún torí pé ó ń kọ́ àwọn èèyàn lẹ́kọ̀ọ́ Bíbélì, bẹ́ẹ̀ sì rèé, ìrọwọ́rọsẹ̀ ló ń ṣe é.