APRIL 24, 2017
KÒLÓŃBÍÀ
Ẹrẹ̀ Ya ní Gúúsù Orílẹ̀-èdè Kòlóńbíà, Ó sì Pa Ọ̀pọ̀ Èèyàn
Ní àárọ̀ kùtù ọjọ́ Saturday, April 1, 2017, odò mẹ́ta kún ya nítòsí ìlú Mocoa, olú ìlú Putumayo, àgbègbè kan ní orílẹ̀-èdè Kòlóńbíà. Èyí mú kí ẹrẹ̀ ya wọ̀lú, ó sì pa ọ̀pọ̀ èèyàn. Ó ṣeni láàánú pé ìròyìn tá a gbọ́ látọ̀dọ̀ ẹ̀ka ọ́fíìsì àwọn Ẹlẹ́rìí Jèhófà lórílẹ̀-èdè Kòlóńbíà ni pé Ẹlẹ́rìí Jèhófà méjì ló bá ìṣẹ̀lẹ̀ náà lọ, Ẹlẹ́rìí Jèhófà míì sì wà tí wọ́n ṣì ń wá. Yàtọ̀ síyẹn, ìdílé márùn-ún tí wọ́n jẹ́ Ẹlẹ́rìí Jèhófà ni ò nílé lórí mọ́. Àmọ́ àwọn Ẹlẹ́rìí Jèhófà ti bẹ̀rẹ̀ sí í ṣèrànwọ́ lẹ́yìn àjálù yìí. Wọ́n ti ń pèsè oúnjẹ, omi tó ṣeé mu, epo pẹtiróòlù àti ilé táwọn tí àjálù ṣẹlẹ̀ sí máa gbé. Àwọn tó jẹ́ alàgbà nínú wọn tún ń fi ọ̀rọ̀ Ọlọ́run gbé àwọn èèyàn ró. Ẹ̀ka ọ́fíìsì wọn ṣì ń bójú tó gbogbo ohun tó ń ṣẹlẹ̀, wọ́n sì ń kọ́wọ́ ti báwọn Ẹlẹ́rìí Jèhófà ṣe ń ṣèrànwọ́ fáwọn tí àjálù ṣẹlẹ̀ sí.
Agbẹnusọ fún Àwa Ẹlẹ́rìí Jèhófà:
Kárí Ayé: David A. Semonian, Ọ́fíìsì Agbéròyìnjáde, +1-845-524-3000
Kòlóńbíà: Wilson Torres, +57-1-8911530
O Tún Lè Wo
ÌRÒYÌN
Àwọn Ẹlẹ́rìí Jèhófà Tu Àwọn Èèyàn Nínú Nígbà Ìwàásù Àkànṣe tí Wọ́n Ṣe Lẹ́yìn Ìmìtìtì Ilẹ̀ Tó Wáyé ní Ítálì
Kárí ayé ni àwọn Ẹlẹ́rìí ti ṣe ìwàásù àkànṣe kan, àmọ́ lórílẹ̀-èdè Ítálì, wọ́n ń sapá gidigidi kí wọ́n lè sọ̀rọ̀ ìtùnú fáwọn tí àjálù dé bá torí ìmìtìtì ilẹ̀ tó wáyé ní àgbègbè Lazio, Marche àti Umbria.