Ọjọ́ Tí A Ṣe É: August 16 sí 18, 2019

Ibi Tí A Ti Ṣe É: Ilé Olórùlé Rìbìtì tí wọ́n ń pè ní “The Dome” tó wà ní St. Louis, Missouri, lórílẹ̀-èdè Amẹ́ríkà

Èdè: Gẹ̀ẹ́sì, Croatian

Àwọn Tó Wá: 28,122

Àwọn Tó Ṣèrìbọmi: 224

Àwọn Tó Wá Láti Ilẹ̀ Òkèèrè: 5,000

Àwọn Ẹ̀ka Ọ́fíìsì Tá A Pè: Argentina, Australasia, ilẹ̀ Gẹ̀ẹ́sì, Kánádà, Central Europe,, Kòlóńbíà, Croatia, Czech-Slovak, Finland, Faransé, Japan, Philippines, Poland, Portugal, Scandinavia, Serbia, South Africa

Ìrírí: Martin Gulley, tó jẹ́ agbẹnusọ fún iléeṣẹ́ Metrolink sọ pé: “O lè sọ pé o nífẹ̀ẹ́ ẹnì kan tàbí ohun kan. Àmọ́, ó dìgbà tó o bá fi ìfẹ́ yẹn hàn ká tó mọ̀ pé kì í ṣe ọ̀rọ̀ orí ahọ́n lásán ni. Bí ẹ̀yin Ẹlẹ́rìí Jèhófà ṣe ń ṣe fi hàn pé lóòótọ́ lẹ nífẹ̀ẹ́. Onírẹ̀lẹ̀ ni yín, ó ṣe tán, ìfẹ́ máa ń jẹ́ kí èèyàn rẹ ara ẹ̀ sílẹ̀ ni, kì í jẹ́ kó gbéra ga. Báàjì tó wà láyà mi ló jẹ́ kẹ́ ẹ mọ̀ pé òṣìṣẹ́ Metrolink ni mi, àmọ́ ìfẹ́ la fi ń dá ẹ̀yin Ẹlẹ́rìí Jèhófà mọ̀.”

Jerry Vallely ni ọ̀gá àgbà tó jẹ́ agbẹnusọ fún ilé-iṣẹ́ Bi-State Development (ìyẹn, àjọ elétò ìrìnnà kan tó ń rí sí ìdàgbàsókè ọrọ̀-ajé ní agbègbè St. Louis). Ó sọ pé: “Ìṣẹ́ tí ẹ̀ ń ṣe kọ́ ló jẹ́ bàbàrà fún un yín, ohun tó jẹ yín lógún ni àǹfààní táwọn èèyàn máa rí látinú iṣẹ́ náà, ìyẹn àwọn àlejò tó ń bọ̀, àwọn tí ẹ̀ ń bá ṣiṣẹ́ nínú ìlú, àti àwa òṣìṣẹ́ Metrolink tí a wà níbí. Ẹ̀ n ronú nípa bí inú gbogbo àwọn tí ẹ̀ ń bá ṣiṣẹ́ ṣe máa dùn, bí gbogbo nǹkan ṣe máa gún régé, tá á sì sunwọ̀n sí i.”