Ní June 24, 2019, ìjì líle àti òjò àrọ̀ọ̀rọ̀dá ṣọṣẹ́ gan-an ní gúúsù Texas. Ìròyìn fi hàn pé ọgọ́rọ̀ọ̀rún ilé ni ọ̀gbàrá òjò náà bà jẹ́, ó sì ju ọgọ́rùn-ún èèyàn tí wọ́n kó kúrò lágbègbè náà.

Bó tilẹ̀ jẹ́ pé kò sí akéde kankan tó fara pa nibi ìjì náà, àmọ́ àkéde mẹ́tàdínláàádọ́ta (47) ni ò nílé mọ́ rárá. Yàtọ̀ síyẹn, ìjì náà ba ilé àwọn ará márùndínláàádọ́rin (65) jẹ́, ó sì tún bá ilé kan tá a kọ́ mọ́ Gbọ̀ngàn Ìjọba kan jẹ́.

Àwọn alábòójútó àyíká àtàwọn alàgbà ń ṣèbẹ̀wò sọ́dọ̀ àwọn ará tí àjálù náà bá. Bákan náà, Ìgbìmọ̀ Tó Ń Ṣètò Ìrànwọ́ Nígbà Àjálù ti ń ṣètò ilé, oúnjẹ, omi àti aṣọ fáwọn ará. Yàtọ̀ síyẹn, iṣẹ́ ń lọ lórí àtúnṣe àwọn ilé àti Gbọ̀ngàn Ìjọba tó bà jẹ́.

A ò ní fi àwọn arákùnrin àtàwọn arábìnrin wa ní gúúsù Texas sílẹ̀, inú wa dùn pé Jèhófà ni wọ́n gbára lé, ó sì dájú pé á ràn wọ́n lọ́wọ́ láti fara da àjálù yìí.​—Àìsáyà 26:3, 4.