Louisiana àti Texas

• Ìjì líle yìí jà dé Louisiana ní October 9, 2020, ó sì ṣọṣẹ́ gan-an láwọn ibi tí ìjì líle Laura ti jà tẹ́lẹ̀

• Ní gbogbo àsìkò tí ìjì náà fi ń jà, òjò àti afẹ́fẹ́ líle pọ̀ débi pé ó fa omíyalé, ìyẹn sì mú kí iná ìjọba lọ láwọn ibi tó pọ̀

• Akéde ẹgbẹ̀rún kan, ọgọ́rùn-ún márùn-ún àti mẹ́tàlélọ́gọ́rin (1,583) ló lé kúrò nílé

• Ilé ọgọ́rùn-ún méjì ó lé mẹ́rìndínlógún (216) àti Gbọ̀ngàn Ìjọba mẹ́rìndínlógún (16) ló bà jẹ́ díẹ̀

• Ilé méje bà jẹ́ gan-an

• Ilé mẹ́ta bà jẹ́ kọjá àtúnṣe

• Àwọn alábòójútó àyíká àtàwọn alàgbà ń pèsè àwọn nǹkan táwọn ará nílò, bí oúnjẹ, omi, ilé àti bẹ́ẹ̀ bẹ́ẹ̀ lọ. Àwọn alábòójútó àyíká àtàwọn alàgbà yìí ń ṣiṣẹ́ pẹ̀lú Ìgbìmọ̀ Tó Ń Ṣètò Ìrànwọ́ Nígbà Àjálù tí Ẹ̀ka Ọ́fíìsì yàn nígbà ìjì líle Laura. Yàtọ̀ síyẹn, àwọn ará wa ń ṣe gbogbo ohun tí wọ́n lè ṣe, kí wọ́n lè tẹ̀ lé òfin táwọn elétò ààbò ṣe nípa àrùn Corona (COVID-19)

Àwọn alàgbà túbọ̀ ń sapá láti máa fún àwọn ará níṣìírí. Alàgbà kan sọ ohun tó kíyè sí nígbà tó ṣèbẹ̀wò sáwọn ará, ó ní: “Ó yà mí lẹ́nu gan-an nígbà tí mo rí i bí Jèhófà ṣe ń fún àwọn ará yìí lókun. Ó dájú pé Jèhófà ń fún wọn ní ‘agbára tó kọjá ti ẹ̀dá.’”​—2 Kọ́ríńtì 4:7.

A dúpẹ́ lọ́wọ́ Jèhófà pé ó ń bá a lọ láti jẹ́ “ibi ààbò” fáwọn ará wa ọ̀wọ́n tí àjálù dé bá yìí, ó sì ń “dáàbò bò wọ́n.”​—Àìsáyà 4:6.