Apá àríwá California àti Oregon

• Ààrá sán ní nǹkan bí ẹgbẹ̀rún mẹ́rìnlá (14,000) ìgbà, àwọn nǹkan míì tún ṣẹlẹ̀ tó mú káwọn ààrá yìí fa iná tó lágbára. Ó le débi pé àwọn agbègbè tó ju ọgọ́rùn-ún méje (700) ọ̀tọ̀ọ̀tọ̀ ló jó. Iná yìí ti jó ilẹ̀ tó ju mílíọ̀nù kan éékà lápá àríwá California àti láwọn apá ibì kan ní Oregon

• Èéfín iná tó jó yìí ti ba afẹ́fẹ́ jẹ́ gan-an. Ní August 21, a gbọ́ ìròyìn kan pé afẹ́fẹ́ tó wà ní apá àríwá California ló burú jù lọ láyé

• Nígbà táwọn oníròyìn ń fi jàǹbá yìí wé àwọn tó ti ṣẹlẹ̀, wọ́n sọ pé ìṣẹ̀lẹ̀ kan ti wáyé rí tó burú gan-an nínú ìtàn California, wọ́n sì sọ pé méjì lára èyí tó ṣẹlẹ̀ báyìí ló wà nípò kejì àti kẹta

• Àwọn akéde tó tó ọgọ́rùn-ún mẹ́sàn-án àti mẹ́rìndínlógójì (936) ló ti kúrò nílé

• Ilé àwọn akéde méjì ló ti bàjẹ́ pátápátá

• Ìgbìmọ̀ Tó Ń Ṣètò Ìrànwọ́ Nígbà Àjálù, àwọn alábòójútó àyíká àtàwọn alàgbà ìjọ ń ṣe gbogbo ohun tí wọ́n lè ṣe láti ran àwọn tọ́rọ̀ kàn lọ́wọ́

Àwọn ará wa lọ́kùnrin lóbìnrin mọrírì báwọn ará ṣe dúró tì wọ́n nígbà ìṣòro. Arákùnrin kan sọ pé: “Kò sí bí nǹkan náà ṣe lè burú tó, ẹsẹ̀kẹsẹ̀ ni ètò Ọlọ́run á ti dé láti ràn wá lọ́wọ́. Inú wa dùn gan-an láti wà lára ìdílé yìí.” Bá a ṣe ń ṣètò ìrànwọ́ fáwọn ará wa ti jẹ́ kó dá gbogbo wa lójú pé kò sóhun tó “lè yà wá kúrò nínú ìfẹ́ Ọlọ́run.”​—Róòmù 8:39.