MAY 15, 2018
ORÍLẸ̀-ÈDÈ AMẸ́RÍKÀ
Òkè Ayọnáyèéfín Tó Ń Bú Gbàù ní Hawaii Ba Nǹkan Jẹ́, Ó sì Ti Lé Àwọn Èèyàn Kúrò Nílé
Láti May 3, 2018, òkè ayọnáyèéfín Kilauea tó ń bú gbàù ní Erékùṣù Ńlá Hawaii lórílẹ̀-èdè Amẹ́ríkà ti lé àwọn tó fẹ́rẹ̀ẹ́ tó ẹgbẹ̀rún méjì (2,000) kúrò nílé wọn, ó sì ti ba, ó kéré tán, ilé mẹ́rìndínlógójì (36) jẹ́.
Ara àwọn tó ti kúrò nílé wọn ni ìdílé Ẹlẹ́rìí Jèhófà mẹ́rin àti arábìnrin àgbàlagbà kan. Bó tiẹ̀ jẹ́ pé àwọn nǹkan gbígbóná tó ń ru jáde látinú òkè yẹn ò ba Gbọ̀ngàn Ìjọba kankan jẹ́, ìmìtìtì ilẹ̀ kan tó wáyé ní May 4 ba Gbọ̀ngàn Ìjọba kan jẹ́ díẹ̀.
Ìgbìmọ̀ Tó Ń Ṣètò Ìrànwọ́ Nígbà Àjálù àtàwọn ará lọ́kùnrin lóbìnrin tó wà nílùú yẹn ń bójú tó àwọn akéde tọ́rọ̀ náà kàn. Tí nǹkan bá ti lójú déwọ̀n àyè kan, ìgbìmọ̀ náà máa pinnu ìrànwọ́ míì táwọn akéde náà bá tún máa nílò.
A ò dákẹ́ àdúrà lórí àwọn ará wa lọ́kùnrin lóbìnrin tọ́rọ̀ kàn torí àjálù tó ń ṣẹlẹ̀ lọ́wọ́ yìí, ó dá wa lójú pé Jèhófà máa jẹ́ odi agbára wọn lásìkò wàhálà yìí.—Náhúmù 1:7.
O Tún Lè Wo
ÌRÒYÌN
Ìfẹ́ Sún Wọn Ṣiṣẹ́—Ìrànwọ́ Nígbà Àjálù Tó Wáyé Láwọn Erékùṣù Caribbean
Fídíò yìí jẹ́ ká rí ìsọfúnni lọ́ọ́lọ́ọ́ nípa iṣẹ́ àṣekára táwọn Ẹlẹ́rìí Jèhófà tó yọ̀ǹda ara wọn ṣe lẹ́yìn tí ìjì líle Irma àti Maria jà.
ÌRÒYÌN
Ìròyìn Lọ́ọ́lọ́ọ́ Nípa Ibi Tí Ètò Ìrànwọ́ Dé Lẹ́yìn Ìjì Hurricane Harvey
Àwa Ẹlẹ́rìí Jèhófà ń ṣètò ìrànwọ́ fáwọn ará wa, a sì retí pé a máa parí ẹ̀ títí June 30, 2018.
ÌRÒYÌN