Ọjọ́ Tí A Ṣe É: November 22 sí 24, 2019

Ibi Tí A Ti Ṣe É: Pápá Ìṣeré Marvel ní Melbourne, Ọsirélíà

Èdè Tí A Lò fún Ìtòlẹ́sẹẹsẹ: Èdè Àwọn Adití Lọ́nà ti Ọsirélíà, Chinese Cantonese, Chinese Mandarin, Gẹ̀ẹ́sì, Korean, Sípáníìṣì, Tagalog, Vietnamese

Iye Àwọn Tó Pésẹ̀: Ẹgbẹ̀rún mẹ́rìndínláàádọ́ta ó lé ọgọ́rùn-ún márùn-ún àti méjìlélọ́gọ́rin (46,582)

Iye Àwọn Tó Ṣèrìbọmi: Ọgọ́rùn-ún mẹ́rin àti méje (407)

Iye Àwọn Aṣojú Tó Wá Láti Orílẹ̀-Èdè Míì: Ẹgbẹ̀rún mẹ́fà àti mẹ́tàlélọ́gọ́rin (6,083)

Àwọn Ẹ̀ka Tí Aṣojú Ti Wá: Ajẹntínà, Kánádà, Hong Kong, Íńdíà, Ítálì, Japan, Kòríà, Philippines, Solomon Islands, South Africa, Taiwan, Amẹ́ríkà

Ìrírí: Ọ̀gá àgbà Ọgbà Ẹranko Ballarat sọ pé: “Gbogbo ẹnu ni mo fi ń sọ pé láti bí ọdún mẹ́ẹ̀ẹ́dógún (15) tí mo ti ń ṣiṣẹ́ ní Ọgbà Ẹranko Ballarat, àwùjọ yín ni mo tíì gbádùn jù, òun ló sì wà létòlétò jù lọ nínú àwùjọ tí mo ti ń bá ṣiṣẹ́. Mo dúpẹ́ púpọ̀ lọ́wọ́ yín àti lọ́wọ́ àwọn tó mú àwọn èèyàn káàkiri.”

Ọ̀gá àgbà ilé ìtura tí àwọn àlejò bí ọgọ́rùn-ún mẹ́ta ó lé ogójì (340) dé sí sọ pé: “Gbogbo wọn máa ń kóra jọ láti yanjú ìṣòro. Ṣe ni wọ́n dà bí ìdílé kan lójú mi tí gbogbo wọn jọ ń sọ̀rọ̀, tí wọ́n sì ń ti ara wọn lẹ́yìn. Ká sòótọ́, inú mi dùn gan-an pé mo wà pẹ̀lú wọn. Ọdún kọkànlá (11) tí mo ti ń ṣiṣẹ́ ìgbàlejò rèé, síbẹ̀ àwùjọ wọn ló jọ mí lójú jù.” Torí ohun tí ọ̀gá náà rí, ó lọ sí àpéjọ tá a ṣe lọ́jọ́ Saturday pẹ̀lú àwọn ará..