Luzon

• Ní November 11, 2020, ìjì líle Vamco (tí wọ́n tún ń pè ní Ulysses) ṣọṣẹ́ ní Patnanungan tó wà lágbègbè Quezon. Ó tún ṣọṣẹ́ lọ́pọ̀ ibi lérékùṣù Luzon

• Èyí ni ìgbà kọkànlélógún (21) tí ìjì líle máa jà lórílẹ̀-èdè Philippines lọ́dún yìí, ó sì fa omíyalé tó pọ̀ gan-an

• Ìjì líle Goni làwọn èèyàn gbà pé ó tíì ṣọṣẹ́ jù lọ lórílẹ̀-èdè Philippines látọdún 2013, àmọ́ kò pé ọ̀sẹ̀ méjì tí ìjì yìí jà lérékùṣù Luzon ni ìjì líle Vamco tún jà

• Ọ̀yamùúmùú òjò àti ìjì tó ń jà léraléra mú káwọn adágún tí wọ́n fi ń dá omi dúró kún kọjá àlà. Torí náà, ìjọba ní láti tú omi yìí sílẹ̀, ìyẹn sì fa omíyalé láwọn ibi tí ìjì líle Vamco ò dé

• Ìdílé tó ju ọgọ́rùn-ún mẹ́fà (600) ni àkúnya omi lé kúrò nílé. Omi yẹn pọ̀ débi pé ọ̀pọ̀ lára wọn ní láti gun orí òrùlé kí wọ́n tó wá gbà wọ́n sílẹ̀

• Èéfọ́ ìgò gbá ọ̀dọ́kùnrin kan lójú, ó sì ṣèṣe. Àmọ́ ara ẹ̀ ti ń yá

Ìròyìn tá a kọ́kọ́ gbọ́ ni pé:

• Ó kéré tán, omi ya wọ Gbọ̀ngàn Ìjọba mẹ́fà àti ọ́fíìsì àwọn atúmọ̀ èdè kan

• Ó kéré tán, ilé tó tó ogún (20) ló bà jẹ́

• Ilé kan bà jẹ́ pátápátá

• Àwọn alábòójútó àyíká àtàwọn alàgbà kọ́kọ́ ṣètò báwọn ará ṣe máa rí àwọn nǹkan tí wọ́n nílò, bí oúnjẹ, omi, aṣọ, ilé àtàwọn nǹkan míì

• Àwọn ìdílé kan ti pa dà sílé kí wọ́n lè tún ilé wọn ṣe

• A ti ṣètò ìgbìmọ̀ mẹ́ta kí wọ́n lè máa pèsè ìrànwọ́ fáwọn ará wa

• Bí wọ́n ṣe ń pèsè ìrànwọ́ fáwọn ará, bẹ́ẹ̀ ni wọ́n ń ṣe gbogbo ohun tí wọ́n lè ṣe, kí wọ́n má bàa tẹ òfin lójú, ìyẹn òfin táwọn elétò ààbò ṣe nípa àrùn Corona

Ó dá wa lójú pé Jèhófà máa dúró ti àwọn ará wa lásìkò tí nǹkan nira yìí. À ń retí ìgbà tí gbogbo àwa èèyàn Jèhófà á máa gbé lálàáfíà àti ààbò, tá ò sì ní máa bẹ̀rù àjálù tó ń ba àyíká jẹ́.​—Sáàmù 4:8.