JUNE 7, 2017
SRI LANKA
Ọ̀gbàrá Òjò àti Ẹrẹ̀ Ṣọṣẹ́ Gan-an ní Siri Láńkà
Àwọn Ẹlẹ́rìí Jèhófà ń ṣiṣẹ́ kára láti ṣèrànwọ́ fún àwọn ará wọn àti àwọ̀n míì tí ọ̀gbàrá òjò àti ẹrẹ̀ tó ya ṣe lọ́ṣẹ́ ní gúúsù àti ìwọ̀ oòrùn orílẹ̀-èdè Siri Láńkà. Òjò tó bẹ̀rẹ̀ ní May 26 ló fa ọ̀gbàrá òjò àti ẹrẹ̀ tó ya náà. Ìròyìn sọ pé iye èèyàn tó ju igba [200] ló kú, tí àwọn tó ju ẹgbẹ̀rún mẹ́tàdínlọ́gọ́rin [77,000] ò sì nílé lórí mọ́.
Ẹ̀ka ọ́fíìsì àwa Ẹlẹ́rìí Jèhófà ní Siri Láńkà ṣètò ìgbìmọ̀ méjì tó ń ṣètò ìrànwọ́ láti pèsè ohun tí àwọn Ẹlẹ́rìí tó lé ní ọgọ́rùn-ún [100] nílò gbàrà tí ìṣẹ̀lẹ̀ náà wáyé. Ara àwọn ohun tí wọ́n kọ́kọ́ pèsè ni oúnjẹ àti ilé fún àwọn tó pàdánù ilé wọn. A ò gbọ́ pé Ẹlẹ́rìí Jèhófà kankan bá ìṣẹ̀lẹ̀ náà lọ.
Láti oríléeṣẹ́ wa ní New York ni Ìgbìmọ̀ Olùdarí àwa Ẹlẹ́rìí Jèhófà ti ń bójú tó bí a ṣe ń fi owó táwọn èèyàn fi ń ṣètọrẹ fún iṣẹ́ ìwàásù wa kárí ayé ṣèrànwọ́ nígbà àjálù.
Agbẹnusọ fún Àwa Ẹlẹ́rìí Jèhófà:
Kárí Ayé: David A. Semonian, Ọ́fíìsì Agbéròyìnjáde, +1-845-524-3000
Siri Láńkà: Nidhu David, +94-11-2930-444
O Tún Lè Wo
ÌRÒYÌN
Iṣẹ́ Ìrànwọ́ Ń Parí Lọ Lẹ́yìn Tí Ìjì Hurricane Matthew Jà ní Haiti
June 2017 ni wọ́n ṣètò láti parí iṣẹ́ ìrànwọ́ tí wọ́n ń ṣe lọ́wọ́ yìí.
ÌRÒYÌN
Òjò Àrọ̀ọ̀rọ̀dá Rọ̀ ní Ajẹntínà, Ó sì Ba Ọ̀pọ̀ Nǹkan Jẹ́
Nínú àjálù tó wáyé ní àgbègbè mẹ́tàlá lórílẹ̀-èdè Ajẹntínà, ìkankan nínú àwọn Ẹlẹ́rìí Jèhófà ò kú, wọn ò sì fara pa.
ÌRÒYÌN
Àwọn Ẹlẹ́rìí Ṣèrànwọ́ Lẹ́yìn Omíyalé Tó Ṣẹlẹ̀ ní Siri Láńkà
Ohun tó ṣẹlẹ̀ ní Siri Láńkà yìí ló tíì burú jù láti ohun tó tó ọdún méjìlá sẹ́yìn. Àwọn Ẹlẹ́rìí Jèhófà sì ṣètò ìrànwọ́ nígbà tó ṣẹlẹ̀.