SEPTEMBER 14, 2016
TURKMENISTAN
Àwọn Aláṣẹ Ìlú Ashgabad Rán Mansur Masharipov Lọ Sẹ́wọ̀n Láì Mọwọ́ Mẹsẹ̀
Àwọn agbófinró mú Ọ̀gbẹ́ni Mansur Masharipov ní June 30, 2016, nínú ọgbà kan tó wà nílùú Ashgabad, lórílẹ̀-èdè Turkmenistan. Ẹlẹ́rìí Jèhófà ni, àtìgbà ẹ̀ẹ̀rùn ọdún 2014 làwọn ọlọ́pàá sì ti ń dọdẹ rẹ̀ kiri torí pé ó ń jọ́sìn Ọlọ́run. Wọ́n fẹ̀sùn kan Ọ̀gbẹ́ni Masharipov, tó jẹ́ ẹni ọdún méjìlélọ́gbọ̀n [32] pé ó lu ọlọ́pàá kan, bẹ́ẹ̀ sì rèé, àwọn ọlọ́pàá ọ̀hún ló lù ú nílùkulù. Wọ́n ti fìyà jẹ Ọ̀gbẹ́ni Masharipov rí, kódà wọ́n ṣe é bí ọṣẹ ṣe ń ṣojú torí pé ó ń jọ́sìn Ọlọ́run láìbá ẹnikẹ́ni fa wàhálà. Ní August 18, 2016, ilé ẹjọ́ kan lórílẹ̀-èdè Turkmenistan rán an lọ sí ẹ̀wọ̀n ọdún kan ní ọgbà ẹ̀wọ̀n ìjọba. Àmọ́ Ọ̀gbẹ́ni Masharipov ti pe ẹjọ́ kòtẹ́milọ́rùn.
O Tún Lè Wo
ÌRÒYÌN
Orílẹ̀-èdè Turkmenistan Yẹ Kó Wá Nǹkan Ṣe sí Bí Wọ́n Ṣe Tẹ Òfin Ẹ̀tọ́ Ọmọnìyàn Lójú
Nínú ìpinnu mẹ́rin kan tí Ìgbìmọ̀ Ìparapọ̀ Àwọn Orílẹ̀-Èdè Tó Ń Rí sí Ẹ̀tọ́ Ọmọnìyàn ṣe lẹ́nu àìpẹ́ yìí, wọ́n sọ pé ìjọba orílẹ̀-èdè Turkmenistan fìyà tí kò tọ́ jẹ àwọn ọkùnrin tó kọ̀ láti ṣe ohun tí ẹ̀rí ọkàn wọn ò fàyè gbà.