Nkunga 10
“Minu Kawu, Thuma”
(Yesaya 6:8)
1. Batu bawombo bamvweza,
zina dinlongo di Yave.
Bantubanga, nandi nkwa mbi.
Mu bawu Yave kasi ko.
Nani wala kuvedisa?
Nani wala kuzitisa?
“Yave, minu kawu thuma.
Yala kwendila mu nyenze.
(VUTUKILA)
Bila lwaku lunneni yidi.
Minu kawu, thumanga.”
2. Batu bansevanga Nzambi;
Bammanganga kunkikina.
Minsambidi mi bitumba;
Zimfumu zi nza bansola.
Nani wala kuba longa?
Nani wala balubula?
“Yave, minu kawu thuma.
Yilubula minsumuki.
(VUTUKILA)
Bila lwaku lunneni yidi.
Minu kawu, thumanga.”
3. Thangu’itu, batu bandila
bila mambi mama saba.
Batu basonga bantomba
nzila moyo yi kyedika.
Nani wala bakindisa?
Nani wala basadisa?
“Yave minu kawu thuma.
Yelonga mu mvibudulu.
(VUTUKILA)
Bila lwaku lunneni yidi.
Minu kawu, thumanga.”
(Tala mvandi Minku. 10:4; Yehe. 9:4.)
