1. Yave Nzambi yi mayangi,

Tidi monisa nlemvu’andi.

Wunzolanga to mamboti,

Wunkiebanga tsatu zitu.

Bo tumfungula masumu

Nandi wunkuwa nsambu’itu.

Bo tuidi bankua masumu,

Diawu kanlemvukilanga.

2. Befu dinda nlemvu Nzambi

Ayi kubue mona kiunda,

Yesu wumonisa nzila

Yi kudindilanga nlemvu:

‘Lemvukila mambi mitu,’

Bo tunlemvukila batu

Tubika lundanga nganzi,

Tuba ndembama mu ntima.

3. Kukabilanga bankaka

Yidi khadulu yi Nzambi.

Tunlanda kifuani kiandi,

Tuala bakanga mayangi.

Nzambi wummona mamoso,

Nandi to fueni kuzaba.

Mayangi bo badi kiadi,

Nzambi wu kuba zolanga.