Mwa buku Yuwa Nzambi fivangulu mwingi kulonga kyedika ki Kibibila kwidi batu bakhambu zaba tanga. Kadika dilongi didi na tsyelu zi wadi ayi zimfikula tulenda kunlongisa mo kavisa, vadi mvandi zimfikula zinsudikisa dilongi dinlandakana.

Mwa buku Yuwa Nzambi Ayi Zinga Mvu Ka Mvu fidi mvandi na zimfikula buka Yuwa Nzambi, vayi fiawu filutidi matangu ayi filenda sadisa minlonguki mizebi tanga. Minsamuni minluta ku fisadila, bo bantwadisanga ndongukulu yi Kibibila ayi minlonguki mu Yuwa Nzambi. Mu zitsyelu ziwombo zidi na zi quadro zidi malongi mankaka tulenda kutadila ayi nlonguki.

Wulenda kwaku kutambika mwa buku beni yosokwa thangu mu ngonda. Bo wuntwadisa ndongukulu yi Kibibila, wulenda sadila zimfikula mu kusudikisa Kibibila. Yuvula byuvu mwingi nlonguki kavisa ayi kalandakana. Tanga ayi sudikisa matangu ma Kibibila madi va wanda. Benu kumanisa mwa buku beni, longukanu buku Mbi Kibibila Kilenda Kutulonga? mwingi kusadisa nlonguki kafwana mu kubotama.