Zisonika Luka 3:1-38
3 Mu mvu kumi tanu, wu luyalu lu Tibelio Sezali, bo Ponsi Pilatu kaba yadila divula di Yuda, Elodi kaba yadila dibueti di Ngalili, ayi khomb’andi Filipi kaba yadila divula di Itureya, ayi di Talakonite, ayi Lisania kaba yadila dibueti di Abileni,—
2 mu bilumbu bi mfumu yi zinganga nzambi Anasi ayi bi Kaifasi, Nzambi wuyoluka na Yoane muana wu Zakalia, bo kaba ku thandu.
3 Mu phila ayoyo, Yoane wudiengila kizunga kioso ki Yolidani, mu kue samunanga kuidi batu muingi babotama, mu kumonisa ti babe nyongina masumu mawu ayi babaka nlemvu mu mawu,
4 dedi bo masonimina mu buku yi ḿbikudi Yesaya, bo katuba: “Mbembu yi mutu yidi mu kutenduka ku thandu: ‘Kubikilanu Yave nzila ayi ludikanu zinzila ziandi.
5 Mimbuinga mioso bafueti ku misesula, miongo mioso mizangama ayi mua miongo, bafueti ku milalikisa, zinzila zioso zivenga, bafueti ludika ziawu, ayi zinzila zioso zidi miongo mi kunengumuka, bafueti ku zisulika;
6 ayi baboso bala mona phulusu yimfumina kuidi Nzambi.’”
7 Nandi waba kambanga nkangu batu waba kuizanga kuidi nandi, muingi kaba botika: “Nkuna wu nyoka, nani wu lukamba ti benu mulenda vuka mu kilumbu ki nganzi yi Nzambi?
8 Vayi, nyonginanu masumu minu, mu kumonisa mavanga mamboti, ayi bikanu kutubanga: ‘Abalahami widi tat’itu.’ Kibila Nzambi kalenda vanga mamanya amama kukituka bana ba Abalahami.
9 Bukiedika, kitadi kima kubama muingi kuzenga zinganzi zi nti. Diawu, woso nti wukhambu butanga makundi mamboti, wala zengu ayi wala lozu ku mbazu.”
10 Ayi nkangu wu batu wuba vana waba kunkuvula: “Buabu, mbi tufueti vanga?”
11 Nandi wuba vutudila: “Woso widi bikhutu biodi, kavana kinkaka kuidi no wukhambulu, mvandi no widi kiuma ki kudia, kakabula kiawu kuidi no wukhambulu.”
12 Batu baba kongulanga ziphaku, mvawu bayiza kuidi Yoane muingi kaba botika, ayi baba kunkuvulanga: “Nlongisi, mbi tufueti vanga?”
13 Nandi wuba kamba: “Bikanu kukuika batu kufuta zimbongo zinkaka, kubotula kuandi zio batsikika muingi kufuta phaku.”
14 Masodi mvandi bamfikama ayi banyuvula: “Mbi tufueti vanga?” Nandi wuba vutudila: “Bikanu kubonganga zimbongo zingana mu lukuiku, ayi bikanu kuvuninanga bankaka mambu, vayi yangalalanu mu mfutu’inu.”
15 Ayi bo batu boso baba vingila Klistu mu phuila, diawu baba yindudilanga mu matedi Yoane: “Bukiedika ti nandi Klistu?”
16 Vayi Yoane wuba vutudila: “Minu yi mubotikilanga mu nlangu, vayi no wunkuiza, lutidi kena minu, ayi yisi ko wufuana muingi kukutula minsinga mi zisandali ziandi. Nandi wala ku mubotikila mu phevi yinlongo ayi mu mbazu.
17 Nandi widi kisosolo* va mioko muingi kuvasa mbongu ayi bititi ayi kudiodisa kibuangu kansosilanga mbongu’andi. Wala khupika mbongu mu bilundulu, vayi bititi wala vika biawu ku mbazu yikhambu zimanga.*
18 Yoane wuvana mvandi zindubu zinkaka ayi wutatamana kusamuna zitsangu zimboti kuidi dikabu.
19 Vayi nandi waba sembanga Elodi no waba yadila dibueti di Ngalili, mu kibila ki Helodia, nkazi khomb’andi* wu nkulutu kakuela, ayi mu kibila ki mambu moso mambi kaba vanganga.
20 Mu kibila akiokio, Elodi wubue vanga diambu dinkaka dimbi: nandi wutula Yoane mu buloku.
21 Bosi bo batu boso babotama, Yesu mvandi bambotika. Mu thangu kaba sambila, diyilu dizibuka,
22 ayi phevi yinlongo yikulumuka kuidi nandi buka dibembi, ayi mbembu yibasikila ku diyilu yaba tuba: “Ngiewu widi muan’ama, minu yi kuzolanga beni ayi widi lunungu va mesu mami.”
23 Bo Yesu katona kisalu ki kusamuna, nandi wuba nduka 30 di mimvu. Batu banzabila mu kubamuana wu Yozefi,muana wu Heli,
24 muana wu Matati,muana wu Levi,muana wu Melki,muana wu Zanai,muana wu Yozefi,
25 muana wu Matatia,muana wu Amosi,muana wu Naum,muana wu Eseli,muana wu Nangayi,
26 muana wu Maate,muana wu Matatia,muana wu Semeni,muana wu Yozeki,muana wu Jodá,
27 muana wu Joanã,muana wu Leza,muana wu Zolobabeli,muana wu Selitieli,muana wu Neli,
28 muana wu Melki,muana wu Adi,muana wu Kosami,muana wu Elimadami,muana wu Eli,
29 muana wu Yesu,muana wu Eliezeli,muana wu Yolemi,muana wu Matati,muana wu Levi,
30 muana wu Simioni,muana wu Yuda,muana wu Yozefi,muana wu Jonã,muana wu Eliakimi,
31 muana wu Melia,muana wu Mena,muana wu Matata,muana wu Natani,muana wu Davidi,
32 muana wu Jessé,muana wu Obedi,muana wu Bowazi,muana wu Salmom,muana wu Nasoni,
33 muana wu Aminadabi,muana wu Alini,muana wu Eziloni,muana wu Pelezi,muana wu Yuda,
34 muana wu Yakobi,muana wu Isaki,muana wu Abalahami,muana wu Tela,muana wu Naoli,
35 muana wu Selugue,muana wu Reú,muana wu Pelenge,muana wu Éber,muana wu Sela,
36 muana wu Cainã,muana wu Arpaxade,muana wu Semi,muana wu Nowa,muana wu Lameki,
37 muana wu Metuzalem,muana wu Enoki,muana wu Jarede,muana wu Malaleli,muana wu Cainã,
38 muana wu Enosi,muana wu Seti,muana wu Adami,muana wu Nzambi.
