Ngenesi 36:1-43
36 Akiki kiawu kinongo ki Ezau voti Edom.
2 Ezau wukuela bakietu ababa ba basi Kanani: Ada muana Elom musi Hitita, Oolibama muana Aná ayi ntekulu wu Zibeão musi Heveu.
3 Wukuela mvandi Bazemati khomba yi nkietu yi Nebaioti, muana wu Ismaeli.
4 Ada nkazi wu Ezau wubuta Elifaz, ayi Bazemati nkazi wunkaka wu Ezau, wubuta Reueli,
5 ayi Oolibama wubuta Jeús, Jalão ayi Kora. Abobo, bawu bana ba Ezau babutukila ku ntoto wu Kanani.
6 Bosi Ezau wuye zingila ku kibuangu kidi kinanu muingi kutatuka khomb’andi Yakobi. Nandi wunata bakazi bandi, bana bandi ayi batu boso baba ku nzo’andi. Mvandi wunata bibulu biandi ayi busina boso kabaka ku ntoto wu Kanani.
7 Kavangila mawu, kibila ba babuadi baba busina buwombo, ayi ntoto baba zingila wusa bue ba ko wufuana muingi ba babuadi batatamana kuzingila va kimueka, kibila baba bibulu biwombo.
8 Diawu Ezau kaye zingila ku kizunga kidi ku mongo wu Seir. Ezau, nandi Edom.
9 Akiki kiawu kinongo ki Ezau tata yi basi Edom, baba kalanga ku kizunga kidi ku mongo wu Seir.
10 Ababa, bawu bana ba Ezau: Elifaz no kabuta na Ada, Reueli no kabuta na Bazemati.
11 Elifaz wubuta: Teman, Omar, Zefô, Gatam ayi Kenaz.
12 Timna wuyiza ba kimasi ki Elifaz muana wu Ezau ayi nandi wubuta Amaleki. Abobo, bawu bana ba Ada nkazi wu Ezau.
13 Reueli wubuta: Naati, Zera, Samá ayi Mizá. Abobo, bawu bana ba Bazemati nkazi wu Ezau.
14 Oolibama nkazi wu Ezau, muana wu Aná ayi ntekulu wu Zibeão, wubuta bana ababa: Jeús, Jalão ayi Kora.
15 Ababa, bawu zifumu zi makanda bayizila mu nkuna wu Ezau: Bana ba Elifaz muana wutheti wu Ezau: Fumu Teman, fumu Omar, fumu Zefô, fumu Kenaz,
16 fumu Kora, fumu Gatam ayi fumu Amaleki. Abobo, bawu zifumu bayizila mu nkuna wu Elifaz, babutukila ku ntoto wu Edom. Bawu baba bana ba Ada.
17 Ababa, bawu bana ba Reueli, muana wu Ezau: Fumu Naati, fumu Zera, fumu Samá ayi fumu Mizá. Zifumu aziozio, bayizila mu nkuna wu Reueli, babutukila ku ntoto wu Edom. Bawu baba bana ba Bazemati nkazi wu Ezau.
18 Ababa, bawu bana ba Oolibama nkazi wu Ezau: Fumu Jeús, fumu Jalão ayi fumu Kora. Abobo, bawu zifumu bayizila mu nkuna wu Oolibama muana wu Aná, nkazi wu Ezau.
19 Abobo, bawu bana ba Ezau, ayi zifumu ziawu. Ezau nandi Edom.
20 Ababa, bawu bana ba Seir musi Horeu, baba kalanga ku ntoto beni: Lotã, Sobali, Zibeão, Aná,
21 Dizom, Ezer ayi Dizan. Abobo, bawu zifumu bayizila mu nkuna wu Seir musi Horeu, babutukila ku ntoto wu Edom.
22 Lotã wubuta: Hori ayi Hemã. Ayi Timna wuba khomba Lotã.
23 Sobali wubuta: Alvã, Manaati, Ebal, Zefo ayi Onão.
24 Zibeão wubuta: Aiá ayi Aná. Aná nandi wubakula zitho zi minlangu ku thandu, bo kaba kieba bibulu bi tat’andi Zibeão.
25 Aná wubuta: Dizom ayi Oolibama.
26 Dizom wubuta: Hendam, Esbam, Itram ayi Kerã.
27 Ezer wubuta: Bilã, Zavã ayi Akan.
28 Dizan wubuta: Uz ayi Arã.
29 Ababa, bawu zifumu bayizila mu nkuna wu zi Horeu: Fumu Lotã, fumu Sobali, fumu Zibeão, fumu Aná,
30 fumu Dizom, fumu Ezer ayi fumu Dizan. Abobo, bawu zifumu bayizila mu nkuna wu zi Horeu, mu kutadila zifumu zi ntoto wu Seir.
31 Ababa, bawu mintinu bayadila ntoto wu Edom, ava basi Isaeli babaka ntinu wu kuba yadila:
32 Bela muana wu Beor, wuyadila Edom. Ayi nandi waba kalanga ku divula di Dinabá.
33 Bo Bela kafua, Jobabi muana wu Zera waba kalanga ku Bozra, wumvinginina va luyalu.
34 Bo Jobabi kafua, Huzão musi Temanita wumvinginina va luyalu.
35 Bo Huzão kafua, Hadadi muana Bedadi, wumvinginina va luyalu. Nandi wununga basi Midiani ku thandu yi Moabi, ayi nandi waba kalanga ku Avite.
36 Bo Hadadi kafua, Samlá musi Masreka wumvinginina va luyalu.
37 Bo Samlá kafua, Sauli musi divula di Reoboti didi va ndeko muila, wumvinginina va luyalu.
38 Bo Sauli kafua, Baal-Hanã muana wu Acbor wumvinginina va luyalu.
39 Bo Baal-Hanã muana wu Acbor kafua, Hadar wumvinginina va luyalu. Nandi waba kalanga ku divula di Paú, ayi dizina di nkazi’andi diba Metabeli, muana wu Matredi. Ayi Matredi wuba muana wu Mezaabi.
40 Amama, mawu mazina ma zifumu bayizila mu nkuna wu Ezau, mu kutadila makanda mawu ayi bibuangu baba kalanga: Fumu Timna, fumu Alva, fumu Jeteti,
41 fumu Oolibama, fumu Elá, fumu Pinom,
42 fumu Kenaz, fumu Teman, fumu Mibzar,
43 fumu Magdieli ayi fumu Irão. Abobo, bawu zifumu bayizila mu nkuna wu Edom, mu kutadila mala baba kalanga, ku ntoto beni. Anono, nandi Ezau tata yi basi Edom.
