BA KEBA KEBA!
2022: Mvu Wu Ziphasi Ziwombo—Mbi Kibibila Kintuba?
Mu mvu 2022, baluta tubila beni matedi mimvita, kukhambu ku zimbongo ayi bivuka. Kibibila to kilenda sudikisa kibila mbi mambu amomo mammonikanga.
Mbi mansundula mambu mamonika mu mvu 2022
Mambu mamonika mu mvu beni madi bivisa ti tuidi mu kuzingila mu ‘bilumbu bitsuka’ bi nza ayiyi. (2 Timoteo 3:1) Bilumbu abiobio bitona mu mvu 1914. Mona buidi mambu madi mu kumonika mammonisa mbi Kibibila kibikula matedi bilumbu bitu:
“Mimvita.”—Matai 24:6.
“2022 Yiba Mvu wu Boma Bu Mvita Ku Europa.” a
Tala dilongi dintuba ‘Russia Invade Ucrânia’.
“kukhambu ku bidia.”—Matai 24:7.
“2022: Mvu wuluta ba nzala kena mimvu minkaka.” b
Tala dilongi dintuba ‘Guerra na Ucrânia agrava crise global de alimentos’.
“Bimbevu.”—Luka 21:11.
‘Bimbevu dedi poliomielite, variola yi bibulu ayi COVID-19 bikhidi vonda batu. Mambu amomo mammonisa ti bimbevu bintembakanaga, bilenda tula luzingu luitu va kingela, ayi mvandi bimmonisa ti befu batu tuidi balebakana’ c
Tala dilongi dintuba ‘6 milhões de mortes por covid.’
“Mambu ma tsisi.”—Luka 21:11.
‘Nhufi wungolo, mbazu mu kibila ki muinha wungolo ayi khuka minlangu.Tulendi zimbakana ko moyo mvu 2022 mu kibila ki mambu amomo matsisi matuadisidi ziphasi ziwmbo dedi tulukulu yi zinzo, mbalukulu thangu ayi bivuka bivonda batu bawombo’. d
Tala dilongi dintuba “Mu Nza Yoso Muinha Widi mu Kuluta ba Wungolo.”
“ Zikhindu [voti, “divunza.].”—Luka 21:9.
‘Mu kibila ki kukhambu ku zimbongo, bulutidi bo badi mu kumakisina thalu yi biuma, mu mvu 2022 batu bawombo babalukila ntinu ayi bavanga divunza’. e
Tala dilongi dintuba ‘Aumento da inflação no mundo inteiro’.
Mbi tulenda vingila mu mvu wunkuiza?
Vasi ko mutu wulenda tuba mambu mala monika mu mvu 2023. Vayi befu tuzebi ti Kintinu ki Nzambi widi ku diyilu, wala ludika mambu moso va ntoto. (Danieli 2:44) Kintinu beni, kiala manisa mambu moso mantuadisanga ziphasi ayi kiala vanga luzolo lu Nzambi va ntoto.—Matai 6:9, 10.
Tu kukindisa wulandakana dilongi di Yesu klistu yi kuba wukotuka muingi kumona buidi zimbikudulu zi Kibibila zidi mu kusalama, mu mambu madi mu kumonika va nza. (Malako 13:37)Muingi wubuela zaba buidi Kibibila kilenda kusadisila bubu ayi buidi kiawu kilenda vana kivuvu kinkinza mu bilumbu binkuiza kuntuala kuidi ngiewu ayi dikanda diaku, tukutumisa muingi wudinda ndonkulu yi Kibibila mu khambu futa.
a AP News, “2022 Was Year the Horror of War Returned to Europe,” by Jill Lawless, December 8, 2022.
b World Food Programme, “A Global Food Crises.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” by Lawrence O. Gostin, JD, September 22, 2022.
d Earth.Org, “What’s Behind the Record-Breaking Extreme Weather Events of Summer 2022?” by Martina Igini, October 24, 2022.
e Carnegie Endowment for International Peace, “Economic Anger Dominated Global Protests in 2022,” by Thomas Carothers and Benjamin Feldman, December 8, 2022.
Mba Ngie Wunkuiza Zola Mvandi
Malongi matheti ma Kibibila— Zivideo
Kintinu ki Nzambi Kitona Kuyala mu Mvu 1914
Mu 2,500 di mimvu kumbusa, Nzambi wufila ntinu mueka ndosi yidi mu kusunduka mu bilumbu bitu.
MA TUTEDI
Dinda Muingi Biza Kutala
Wuntomba kubuela kuzaba matedi Kibibila voti matedi Zimbangi zi Yave.
