BA KEBA KEBA!
Batu ba Luzabu Badi mu Kutuba ti Tsukulu yi Nza Yima Fikama—Mbi Kibibila Kintuba?
Mu kilumbu 24, ngonda Yitheti, mvu 2023, batu ba luzabu batubizi ti Tsukulu yi Nza a Yima Fikama. Bawu batubidi ti, buka befu tuenduka kutuka va khati tsika builu. Mawu mansundula ti mua thangu to yinkhambu muingi nza yituluka.
“Mvita ku Ucrânia, zibomba zinneni ayi mbalukulu thangu, biawu bibila bima luta tufikika ku tsukulu nza ayiyi. Ayi mua thangu to yinkhambu muingi batu bayivondasana baveka.”—AFP International Text Wire.
“Mu Kimuadi, batu ba luzabu batubidi ti vankhambu to 90 di zisegundu muingi tutuka va khatisika builu. Ayi yawu thangu batu bama luta fikimina mvita wu Alimangedoni.”—ABC News.
“Dingumba dimueka di batu ba luzabu batubidi ti batu badi mu kuluta tula luzingu luawu va kingela.”—The Guardian.
Bukiedika ti tsukulu yi batu ayi yi nza yidi mu kufikama? Tufueti mona boma mambu mala monika mu bilumbu binkuiza? Mbi Kibibila kintuba?
Mambu mbi mala monika mu bilumbu binkuiza
Kibibila kintuba ti ‘ntoto wala tatamana mvu ka mvu’ ayi vala ba batu ‘bela zingila muawu mvu ka mvu.’ (Mpovi 1:4; Minkunga 37:29) Diawu, batu balasa nunga ko kubunga ntoto, voti kubika kubue ba kibuangu kifuana muingi kuzingila.
Vayi, Kibibila kintubila matedi tsukulu. Dedi, kiawu kintuba ti ‘nza yidi mu kuvioka.’—1 Yoane 2:17.
Muingi kuzaba mambu Kibibila kintuba matedi tsukulu yi nza, tanga dilongi “Será que o mundo vai acabar em breve? O que é o Apocalipse?”
Muingi kuluta longuka matedi mambu Kibibila kintuba mala monika mu bilumbu binkuiza, tanga dilongi “Quando Vai Ser o Fim do Mundo?”
Ba mayindu mafuana
Kibibila ki tusadisa kuba mayindu mafuana kheti mu mambu madi mu kumonika mu nza. Buidi?
Kibibila kituvana malongi ma nduenga. (2 Timoteo 3:16, 17) Dedi, tanga dilongi “Como Controlar as Suas Preocupações” muingi wumona buidi Kibibila kilenda kusadisila kutatamana kuba mayindu mafuana, kheti mu mambu wumviokila mu luzingu.
Kibibila kimvana kivuvu kkisikama mu bilumbu binkuiza. (Loma 15:4) Kiawu kibikula mambu mammonikanga mu bilumbu bitu ayi mo mala monika mu bilumbu binkuiza. Mawu mala tusadisa kuba basikama kheti mu mambu madi mu kumonika.
Muingi wubuela zaba mambu Kibibila kinlonga, tukutumisa muingi wudinda ndongukulu yi Kibibila mu khambu futa.
a “Batu ba luzabu banzonganga thangu muingi kulubula batu matedi phila badi mu kutudila luzingu luawu va kingela ayi phila badi mu kutuludila ntoto. Yidi ndubu, muingi kutebukila moyo mambu tufueti dedikisa muingi tuvuka.”—Bulletin of the Atomic Scientists.